બ્રહ્માંડ પુરાણ · અધ્યાય 2.18

ઇતિ શ્રીબ્રહ્માણ્ડે મહાપુરાણે વાયુપ્રોક્તે મધ્યભાગે તૃતીય ઉપોદ્ધાતપાદે
શ્રાદ્ધકલ્પે તિથિશ્રાદ્ધવર્ણનં નામ સપ્તદશો ઽધ્યાયઃ ॥ 17॥
બૃહસ્પતિરુવાચ
યમસ્તુ યાનિ શ્રાદ્ધાનિ પ્રોવાચ શશબિન્દવે ।
તાનિ મે શૃણુ કાર્યાણિ નક્ષત્રેષુ પૃથક્ પૃથક્

શ્રાદ્ધં યઃ કૃત્તિકાયોગં કુરુતે સતતં નરઃ ।
અગ્નીનાધાય સ સ્વર્ગે રાજતે સુદૃઢવ્રતઃ

અપત્યકામો રોહિણ્યાં સૌમ્યે તેજસ્વિના ભવેત્ ।
પ્રાયશઃ ક્રૂરકર્માણિ આર્દ્રાયાં શ્રાદ્ધમાચરન્

ક્ષેત્રભાગી ભવેત્પુત્રી શ્રાદ્ધં કૃત્વા પુનર્વસૌ ।
પુષ્ટિકામઃ પુનસ્તિષ્યે શ્રાદ્ધં કુર્વીત માનવઃ

આશ્લેષાસુ પિતૄનર્ચન્વીરાન્પુત્રાનવાપ્નુયાત્ ।
જાતીનાં ભવતિ શ્રેષ્ઠો મઘાસુ શ્રાદ્ધમાચરન્

ફાલ્ગુનીષુ પિતૄનર્ચન્સૌભાગ્યં લભતે નરઃ ।
પ્રદાનશીલઃ સાપત્ય ઉત્તરાસુ કરોતિ યઃ

સંસત્સુ મુખ્યો ભવતિ હસ્તે ઽભ્યર્ચ્ય પિતૄનપિ ।
ચિત્રાયાં ચૈવ યઃ કુર્યાત્પશ્યેદ્રૂપવતઃ સુતાન્

સ્વાતિના ચૈવ યઃ કુર્યાદ્વાણિજ્યે લાભમાપ્નુયાત્ ।
પુત્રાર્થી તુ વિશાખાસુ શ્રાદ્ધમીહેત માલવઃ

અનુરાધાસુ કુર્વાણો નરશ્ચક્રં પ્રવર્ત્તયેત્ ।
આધિપત્યં ભવેચ્છ્રેષ્ઠં જ્યેષ્ઠાયાં સતતં તુ યઃ

મૂલેનારોગ્યમિચ્છન્તિ હ્યાષાઢાસુ મહદ્યશઃ ।
ઉત્તરાસુ તુ કુર્વાણો વીતશોકો ભવેન્નરઃ

શ્રવણેન તુ લોકેષુ પ્રાપ્નુયાત્પરમાં ગતિમ્ ।
રાજ્યભાગી ધનિષ્ઠાસુ પ્રાપ્નુયા દ્વિપુલં ધનમ્

શ્રાદ્ધનિર્જિતલોકશ્ચ વેદાન્ સાંગાનવાપ્નુયાત્ ।
નક્ષત્રૈર્વારુણૈઃ કુર્વન્ભિષક્સિદ્ધિમવાપ્નુયાત્

પૂર્વપ્રૌષ્ઠ પદે કુર્વન્વિન્દેતાજીવિકાન્બહૂન્ ।
ઉત્તરાસ્વનતિક્રમ્ય વિન્દેદ્ગા વૈ સહસ્રશઃ

બહુકુપ્યકૃતં દ્રવ્યં વિન્દેત્કુર્વન્સુરેવતીમ્ ।
અશ્વાનશ્વયુજા ભક્તો ભરણ્યાં સાધુસત્તમઃ

ઇમં શ્રાદ્ધવિધિં કુર્વઞ્છશબિન્દુર્મહીમિમામ્ ।
કૃત્સ્નાં બલેન સો ઽક્લિષ્ઠો લભ્ધ્વા ચ પ્રશશાસ હ