બોધસાર · અધ્યાય 9

[પ્. 95-]
સમન્વયસરસ્વતી
અવગાહ્યા વિશેષેણ સમન્વયસરસ્વતી ।
જાયેત મતભેદાખ્યપઙ્કપ્રક્ષાલનં યયા

પદં પદાર્થો વાક્યાર્થસ્તત્વાનિ મનસો યમઃ ।
મહાવાક્યાર્થવિજ્ઞાનં સાધનાનિ ક્રમેણ હિ

સર્વેષાં તત્ર તન્ત્રાણામુપયોગો યથાયથમ્ ।
વદામિ તત્સમાસેન સર્વમેવ યથાતથમ્

જાયતે શબ્દશાસ્ત્રેણ પદવ્યુત્પત્તિરુત્તમા ।
વ્યુત્પત્તિશ્ચ પદાર્થાનાં ન્યાયવૈશેષિકોક્તિભિઃ

મીમાંસયા ચ વાક્યાર્થવ્યુત્પત્તિઃ પરિનિષ્ઠિતા ।
વ્યક્તિઃ સાંખ્યેન તત્ત્વાનાં યોગેન મનસો યમઃ

મહાવાક્યાર્થવિજ્ઞાનં વેદાન્તૈર્બ્રહ્મનિષ્ઠયા ।
ઇત્યેવં સર્વતન્ત્રાણાં બ્રહ્મણ્યેવ સમન્વયઃ