બોધસાર · અધ્યાય 8

[પ્. 92-]
સત્સંગસુધા
સત્સંગસુધયા તાત મન આનન્દિતં યદા ।
નિશ્ચેતવ્યં તદા મોહાન્મમ મુક્તિર્ભવિષ્યતિ

સાધનાનાં હિ સર્વેષાં વરિષ્ઠા સાધુસઙ્ગતિઃ ।
એતયા સિદ્ધયા સિદ્ધં સર્વમેવ હિ સાધનમ્

શશ્વદીશ્વરભક્તા યે વિરક્તાઃ સમદર્શનાઃ ।
સાધવઃ સેવિતવ્યાસ્તે મોક્ષશાસ્ત્રવિશારદાઃ

યેષાં દર્શનમાત્રેણ મોક્ષે શ્રદ્ધા વિવર્ધતે ।
યેષાં ચ વાગ્વિલાસેન સંશયો વિનિવર્ત્તતે

ઉપક્રમાદિતાત્પર્યલિઙ્ગૈસ્તાત્પર્યનિર્ણયઃ ।
વિશેષસામાન્યતયા શાસ્ત્રાર્થાનાં વ્યવસ્થિતિઃ

વેદશાસ્ત્રાવિરોધેન મોક્ષમાર્ગપ્રવેશનમ્ ।
સંપ્રદાયપરિજ્ઞાનં મતભેદવિનિર્ણયઃ

પૂર્વોત્તરાભ્યાં પક્ષાભ્યાં યેષાં વાક્યાદવાપ્યતે ।
જ્ઞાનિનઃ કર્ણધારાસ્તે સેવિતવ્યા હિ સાધવઃ

તથા ચ ગીતા
તદ્વિદ્ધિ પ્રણિપાતેન પરિપ્રશ્નેન સેવયા ।
ઉપદેક્ષ્યન્તિ તે જ્ઞાનં જ્ઞાનિનસ્તત્વદર્શિનઃ