બોધસાર · અધ્યાય 7

[પ્. 88-]
અધિકારપરીક્ષા ।
ધર્મા બહુવિધાઃ પ્રોક્તાઃ શાસ્ત્રે ધર્માધિકારિણામ્ ।
તત્ર તીબ્રા મુમુક્ષૈવ મોક્ષે મુખ્યાધિકારિતા

જ્યોતિષ્ટોમે સ્વર્ગકામો વિવાહે પુત્રકામવાન્ ।
વાણિજ્યે લોભવાન્મોક્ષે મુમુક્ષુરધિકારવાન્

તીવ્રા મુમુક્ષા યદ્યસ્તિ પ્રજ્ઞામાન્દ્યં ચ વર્ત્તતે ।
સચ્છાસ્ત્રવિદ્વચ્ચર્ચાભિઃ પ્રથમં તન્નિવારયેત્

વેદે નાસ્ત્યધિકારોઽસ્ય મુમુક્ષા યદિ વર્ત્તતે ।
વિચારસ્તેન કર્ત્તવ્યઃ પુરાણશ્રવણાદિના

યદેવ વેદે કથિતં પુરાણેઽપિ તદેવ હિ ।
ન તુ વેદાક્ષરં શ્રાવ્યમિતિ ભાષ્યે વિનિર્ણયઃ

યથાઽધિકારવિહિતં કર્મ સિધ્યતિ ચાન્યથા ।
કાર્યસિદ્ધિર્ન જાયેત પ્રત્યવાયો મહાન્ભવેત્