બોધસાર · અધ્યાય 6

[પ્. 85-]
રાગત્યાગનિર્ણયઃ
ન વિરક્તા ધનૈસ્ત્યક્તા ન વિરક્તા દિગમ્બરાઃ ।
વિશેષરક્તાઃ સ્વપદે તે વિરક્તા મતા મમ

ચૌરસ્ત્યજન્તિ ગેહં સ્વં ભયેનૈવ ન બોધતઃ ।
જારાસ્ત્યજન્તિ ગેહં સ્વં કામેનૈવ ન બોધતઃ

ક્રુદ્ધસ્ત્યજતિ ગેહં સ્વં પ્રતિવાદિવિરોધતઃ ।
રુદ્ધસ્ત્યજતિ ગેહં સ્વં રોધેનૈવ ન બોધતઃ

નિઃસઙ્ગતાસુખં પ્રાપ્તાઃ કયા ચિદ્બોધલીલયા ।
ગૃહં ત્યજન્તિ મુનયો ગૃહસ્થા વાવને સ્થિતાઃ

તદુક્તમ્ ।
મૂઢઃ કિં ત્યજતુ પ્રમત્તમનસસ્ત્યાગેન વા કિં ફલં ।
વિજ્ઞઃ કર્મ કરોતુ વા ન કુરુતાં ત્યાગેઽવલિપ્તો ન યત્ ।
ઇત્યેવં કૃતનિશ્ચયઃ પ્રવચનૈરદ્વૈતવિદ્યાવતાં ।
રાગત્યાગનિરાદરો મુનિજનઃ પારે ગિરાં ખેલતિ

ઇત્યયં યોગયુક્તાનાં રાગત્યાગવિનિર્ણયઃ ।
ત્યજતૈવ હિ તજ્જ્ઞેયમિતિ વેદાન્તનિર્ણયાત્