બોધસાર · અધ્યાય 51

[પ્. 956-]
બોધસારપ્રશંસા
આદૌ ગુરુસ્તવો યત્ર પ્રાન્તે ચ શિવપૂજનમ્ ।
મધ્યે મુકુન્દસ્મરણં બોધસારઃ સ ઉત્તમઃ

સિદ્ધાર્થઃ સુગમાર્થશ્ચ વિશેષૈર્બહુભિર્વૃતઃ ।
ગ્રન્થસ્ત્વેતાદ્દૃશસ્તાત ન ભૂતો ન ભવિષ્યતિ

ન સ્તોમિ ન ચ નિન્દામિ કથયામિ યથાસ્થિતમ્ ।
એકૈકસ્મિન્નિહ શ્લોકે પ્રોક્તઃ સિદ્ધાન્તનિર્ણયઃ

યથા બ્રહ્માણ્ડસર્વસ્વં પિણ્ડે પિણ્ડે નિરૂપિતમ્ ।
તથા સિદ્ધાન્તસર્વસ્વં શ્લોકે શ્લોકે નિરૂપિતમ્

અવિદ્યોન્મૂલકુદ્દાલસ્ત્વવિદ્યાદાવપાવકઃ ।
અવિદ્યામૃગશાર્દૂલસ્ત્વવિદ્યાગજકેસરી

અવિદ્યાજીવગરલમવિદ્યાકણ્ઠકૃચ્છુરી ।
અવિદ્યાલવણસ્યાઽઽપ અવિદ્યાપ્રલયાર્ણવઃ

અવિદ્યાશૈલદમ્ભોલિરવિદ્યાઽન્ધકશઙ્કરઃ ।
અવિદ્યાકંસગોવિન્દસ્ત્વવિદ્યાચણ્ડચણ્ડિકા

અવિદ્યાદાહશીતાંશુરવિદ્યાધ્વાન્તભાસ્કરઃ ।
તથૈવ બોધસારોઽયમવિદ્યાસ્વપ્નજાગરઃ