બોધસાર · અધ્યાય 52

[પ્. 961-]
બોધસારોપાસના
ગુરુર્મે બોધસારોઽયં યતો જ્ઞાનપ્રદો મમ ।
શિષ્યો મે બોધસારોઽયં યમુદ્દિશ્ય વદામ્યહમ્

સ્વામી મે બોધસારોઽયં માં પાલયતિ યઃ સદા ।
સેવકો બોધસારો મે મમ સેવાં કરોતિ યઃ

સુહૃન્મે બોધસારોઽયં સર્વં જાનાતિ મદ્ગતમ્ ।
સખા મે બોધસારોઽયં યસ્મિન્દૃષ્ટે સુખં મમ

ગૃહં મે બોધસારોઽયં યત્રૈવ નિવાસામ્યહમ્ ।
આરામો બોધસારો મે વિહારો યત્ર મામકઃ

કાન્તા મે બોધસારોઽયં યમાલિઙ્ગ્ય સ્વપામ્યહમ્ ।
મનો મે બોધસારોઽયં મનનં યેન જાયતે

બુદ્ધિર્મે બોધસારોઽયં પરમં બુધ્યતે યયા ।
ચિત્તં મે બોધસારોઽયં યેન ચેતામિ તત્પદે

અહઙ્કારો બોધસારો બોધસારોઽહમેવ હિ ।
શરીરં બોધસારો મે મમતા યત્ર ભૂયસી

પ્રાણો મે બોધસારોઽયં મમતા યત્ર ભૂયસી ।
જીવો મે બોધસારોઽયં યેન જીવામ્યહં સદા

ઈશ્વરો બોધસારો મે યતો મુક્તિપ્રદો મમ ।
બોધસારઃ પરં બ્રહ્મ બોધસારાત્પરં નહિ