બોધસાર · અધ્યાય 48

[પ્. 776-]
નરહરિષટ્કમ્
નામ્નૈવ નો નરહરેર્હિ વિદીર્યતેઽસૌ દુષ્ટો હિરણ્યકશિપુર્નિતરાં બલિષ્ઠઃ ।
તસ્માત્ત્વયા નૃહરિરૂપધરેણ ચિત્ત મોહો હિરણ્યકશિપુસ્તુ વિદારણીયઃ

ઇન્દ્રસ્ય રાજ્યમપિ સમ્પ્રતિલભ્ય લુબ્ધસ્તૃષ્ણામયો નિજરિપુર્ન જગામ તૃપ્તિમ્ ।
અસ્યાધુના પ્રલય એવ હિતં મમેતિ પ્રજ્ઞાત્મના નૃહરિણા પ્રલયં પ્રણીતઃ

વક્ષો હિરણ્યકશિપોઃ કિલ વજ્રસારં શસ્ત્રાણિ તત્ર સકલાન્યપિ કુણ્ઠિતાનિ ।
તાદૃક્પુનસ્તવ નખૈર્નૃહરે વિદીર્ણમત્યદ્ભુતો ભવત એષ નખપ્રભાવઃ

અધ્યાત્મદૃષ્ટિ હૃદયં હૃદયાગ્રસંસ્થં તેજોમયોઽરિમનયન્નૃહરિસ્તમસ્તમ્ ।
કષ્ટં સમસ્તમપિ નષ્ટદશાં પ્રયાતં પ્રહ્લાદ એવ પરમં મહિમાનમાપ

નાન્તસ્તુ નાપિ ચ બહિર્ન દિવા ન રાત્રૌ નાર્દ્રેણ શુષ્કવપુષા ચ ન માર્યતે યઃ ।
નાયં નરેણ ન મૃગેણ નિપાતનીયસ્તાદૃગ્રિપું નરહરિર્હતવાન્વિચિત્રમ્

સર્વત્રૈવ સદા સ્થિતો નરહરિર્યત્સ્થાવરે જઙ્ગમે દૈવાદ્વ્યક્તિમુપાગતઃ પુનરસૌ પાષાણપિણ્ડેઽપિ યત્ ।
નાસ્તિત્વં ગમિતો હિરણ્યકશિપુસ્તાદૃક્પ્રપઞ્ચાશ્રયઃ તત્સર્વં કિલ કૌતુકં નિજજનપ્રહ્લાદહેતોઃ કૃતમ્

જિત્વેન્દ્રિયરિપુષટ્કં હૃદિ ગાયતિ વારષટ્કં ચેત્ ।
એતન્નરહરિષટ્કં વિકારષટ્કં નિવારયતિ