બોધસાર · અધ્યાય 3

[પ્. 24-]
બ્રહ્મજિજ્ઞાસા
અથાતો બ્રહ્મજિજ્ઞાસા જિજ્ઞાસ્યં બ્રહ્મ કેવલમ્ ।
તટસ્થલક્ષણેનાથ સ્વરૂપસ્ય ચ લક્ષણાત્

ઉત્પત્તિસ્થિતિનાશાનાં મૂલકારણમીશ્વરઃ ।
સર્વજ્ઞઃ સત્યસઙ્કલ્પ ઇત્યાદિષુ તટસ્થતા

સચ્ચિદાનન્દરૂપં તત્સ્વપ્રકાશં પરાત્પરમ્ ।
અનણ્વિત્યાદિવેદોક્તં સ્વરૂપસ્ય તુ લક્ષણમ્

ગુણપ્રધાનભાવેન યદ્યત્કિઞ્ચિદપેક્ષિતમ્ ।
નાનાપ્રકરણવ્યાજૈસ્તત્સર્વમભિધીયતે

બહિરઙ્ગાન્તરઙ્ગાણાં સાધનાનામનુક્રમઃ ।
યદન્તરઙ્ગં યસ્માત્તુ તત્પશ્ચાત્તુ નિરૂપ્યતે