બોધસાર · અધ્યાય 24

[પ્. 540-]
બોધદીપપઞ્ચકમ્
નાધારપાત્રમાદત્તે ન ચ તૈલમપેક્ષતે ।
ન વર્તિકામાશ્રયતે ન ધત્તે કજ્જલં મનાક્

ન તાપકર્ત્તા કસ્યાપિ વાયુના ન ચ કમ્પતે ।
ન વિનાશમવાપ્નોતિ તમઃ સર્વં નિહન્તિ ચ

એકરૂપાઃ પ્રકાશન્તે સર્વે ભાવા યદર્ચિષા ।
યદગ્રે ન પ્રકાશેત ચ્છાયા માયાસ્વરૂપિણી

યશ્ચક્ષુષામવિષયો રૂપાકારવિવર્જિતઃ ।
મનસોઽપ્યપ્રકાશ્યશ્ચ રૂપાકારપ્રકાશકઃ

કદાચિત્ક્વચિદેવાસૌ તાત કેનાપિ હેતુના ।
પ્રવર્તતે બોધદીપઃ સતાં હૃદયમન્દિરે