બોધસાર · અધ્યાય 23

[પ્. 534-]
નિર્વાણદશકમ્
ન શક્યં વક્તુમેવેદં તથાપિ કૃપયા તવ ।
કયા ચિત્કલયા વત્સ નિર્વાણદશકં બ્રુવે

મોહનિદ્રા ન તત્રાસ્તિ તેનાયં જાગરો મહાન્ ।
ભાવાદયો ન ભાસન્તે તેનાયં નૈવ જાગરઃ

અપૂર્વં ભાસતે વસ્તુ તેન સ્વપ્નોઽયમુત્તમઃ ।
દૃશ્યં ન ભાસતે તત્ર તેન સ્વપ્નો ન ચૈવ સઃ

અભાવાત્સા પદાર્થાનાં સુષુતિઃ સુખરૂપિણી ।
ન જાડ્યં ન તમસ્તત્ર સુષુપ્તિરપિ નૈવ સા

અવસ્થાત્રયનિર્મુક્તં તુરીયમિતિ કીર્તિતમ્ ।
નૈવૈકદ્વિત્રિવિજ્ઞાનં તુરીયં કિમપેક્ષયા

જીવસ્યૈતન્નિજં રૂપં તેન જીવોઽયમુચ્યતે ।
જીવચેષ્ટા ન તત્રાસ્તિ તેન નિર્જીવતા સ્ફુટા

સચ્ચિદાનન્દરૂપત્વાદ્બ્રહ્મ ચેન્નાપિ તદ્ભવેત્ ।
યો વેદ સ તુ ન બ્રૂતે યો ન વેદ ગિરાઽસ્ય કિમ્

તસ્માચ્છ્રુતિઃ પ્રાહ સત્યમવાઙ્મનસગોચરમ્ ।
યથાઽનુભૂતં મુનિભિસ્તથૈવેદં ન સંશયઃ

એતદન્તઃ સમામ્નાય એતદન્તા તપસ્વિતા ।
ઉપદેશોઽપ્યેતદન્ત એતદન્તા વિવેકિતા

શ્રોતવ્યં શ્રુતિવાક્યેન સર્વં બ્રહ્મ ત્વયા શ્રુતમ્ ।
ભવિતવ્યં યદિ બ્રહ્મ તર્હિ બ્રહ્મૈવ ભૂયતામ્