બોધસાર · અધ્યાય 22

[પ્. 528-]
વિદ્વત્પ્રભાવનવકમ્
અભાવો યત્ર ભાવાનાં સ ભાવો યત્ર વર્ણિતઃ ।
સ્વભાવસુખદં તાત પ્રભાવનવકં શૃણુ

અયં વિહાય કામાદીન્ક્ષુદ્રાન્દૂરગતો મુનિઃ ।
પશ્યત્યપિ કદાચિત્તાન્ન ચૈનં પ્રાપ્નુવન્તિ તે

ન યાન્તિ નૂનં તજ્જ્ઞસ્ય સમ્મુખે દ્વૈતદૃષ્ટયઃ ।
દુષ્ટા દુષ્ટતયા જ્ઞાતા દર્શયન્તિ મુખં કથમ્

માયા માયેતિ વિજ્ઞાતા સર્વાકારવિકારિણી ।
ગતા કુત્રાપ્યનાવૃત્યૈ સંસ્થિતો નિર્મલો મુનિઃ

નિર્જિતા વિષયા નૂનં ચપેટાભિશ્ચ તાડિતાઃ ।
નોપસર્પન્તિ તે તસ્માદસ્માનેષ હનિષ્યતિ

તૃષ્ણાં વિહાય તુચ્છેભ્યો મુનિર્નિઃશલ્યતાં ગતઃ ।
સ્વરસાયનતૃપ્તાત્મા દિનાનુદિનમેધતે

પૂર્વાં માં વલ્લભાં ત્યક્ત્વા રમતે વિદ્યયાઽધુના ।
ઇત્યવિદ્યા લજ્જિતેવ નાયાતિ મમ સંમુખમ્

બ્રહ્મ વક્તું ન જાનાતિ યથાઽત્યન્તજડો જનઃ ।
તથૈવાત્યન્તબોધાત્મા બ્રહ્મ વક્તું ન બુધ્યતે

નૂનમાલસ્યદોષો હિ શક્રસ્યાપિ શ્રિયં હરેત્ ।
યથા યથાઽલસો જ્ઞાની વર્ધતેઽસૌ તથા તથા