બોધસાર · અધ્યાય 20

[પ્. 513-]
નિદ્રાપઞ્ચકમ્
ન સન્તિ યસ્યાં નિદ્રાયાં જાગ્રત્સ્વપ્નસુષુપ્તયઃ ।
અવસ્થાત્રયરૂપિણ્યઃ સર્વદ્વન્દ્વવિવર્જનાત્

ગુણાતીતતયા તત્ર તમોલેશો ન વિદ્યતે ।
સ્વયંપ્રકાશરૂપત્વાદપ્રકાશોઽપિ નાસ્તિ હિ

યત્પ્રાપ્તયે મહાપુણ્યાસ્તપસ્યન્તિ તપસ્વિનઃ ।
વિચારયન્તિ વિદ્વાંસો વેદાન્તવચનાનિ ચ

સુખભોગઃ ફલં નાત્ર સૈવાનન્દસ્વરૂપિણી ।
પુરુષાર્થસ્વરૂપત્વાન્ન કાલક્ષેપરૂપિણી

સુલભા શુદ્ધબોધાનાં દુર્લભા વિષયાત્મનામ્ ।
સહજા માધવાદીનાં સા નિદ્રા તુ મહાફલમ્