બોધસાર · અધ્યાય 18

[પ્. 503-]
યમુનાષ્ટકમ્
ઉજ્જ્વલા મધુરા શીતા પવિત્રા યમુનેવ ચિત્ ।
વિવિચ્ય દૃષ્ટા હિ મયા શ્યામિકા યાઽત્ર સ ભ્રમઃ

યત્ત્વં વદસિ ચિદ્દેવી નીરૂપા તૂજ્જ્વલા કથમ્ ।
તયા પ્રક્ષાલિતં પશ્ય નિર્મલં હૃદયં મમ

યત્ત્વં વદસિ ચિદ્દેવી નીરસા મધુરા કથમ્ ।
આસ્વાદયન્તિ તાં નિત્યં રસિકાઃ શઙ્કરાદયઃ

યત્ત્વં વદસિ ચિદ્દેવી નિઃસ્પર્શા શીતલા કથમ્ ।
પશ્ય તસ્યાઃ પ્રસાદેન ગતં તાપત્રયં મમ

યત્ત્વં વદસિ ચિદ્દેવી નિર્ગુણા પાવની કથમ્ ।
તત્પવિત્રીકૃતાન્પશ્ય કચદત્તશુકાદિકાન્

અથ શિષ્યઃ પૃચ્છતિ
ગુરો લાક્ષણિકૈરેવ કિં લક્ષયસિ લક્ષણૈઃ ।
લક્ષણૈર્લક્ષય સ્વામિંસ્તલ્લક્ષ્યં લક્ષ્યતે યથા

અત્રોત્તરમ્
લક્ષ્યે લક્ષણવલ્લક્ષ્યમિહ લક્ષ્યે ન લક્ષણમ્ ।
વિલક્ષણમિદં લક્ષ્યં લક્ષણૈવાત્ર લક્ષણમ્

પયસ્યમલગમ્ભીરે શ્યામિકા ભ્રાન્તિરૂપિણી ।
બ્રહ્મણ્યમલગમ્ભીરેઽપ્યવિદ્યા ભ્રાન્તિરૂપિણી