બોધસાર · અધ્યાય 16.28.4.4

[પ્. 432-]
અથ સાંખ્યનિર્ણયઃ ।
અસંખ્યાઃ સાંખ્ય તત્વાનાં સંખ્યાઃ સંખ્યાતવાનસિ ।
કિં સાંખ્યસંખ્યયા બ્રહ્મ સંખ્યાતીતં વિચિન્તય

તત્ત્વજ્ઞાનં ત્વયા પ્રોક્તં તત્ત્વજ્ઞાનં મતં મમ ।
તત્ત્વાતીતસ્ય વિજ્ઞાનં તત્ત્વજ્ઞાનં હિ મુક્તયે

પુરુષસ્ય પરીક્ષાર્થં મયા સંખ્યા નિરૂપિતા ।
સાંખ્ય એવં યદિ પ્રાહ તર્હીદં મમ સંમતમ્

પુરુષાન્ ન પરં કિઞ્ચિત્સા કાષ્ઠા સા પરા ગતિઃ ।
પુરુષં પશ્ય રે સાંખ્ય સંખ્યયા કિં પ્રયોજનમ્