બોધસાર · અધ્યાય 16.28.4.3.1

[પ્. 427-]
તત્ર પ્રથમં વૈશેષિકનિર્ણયઃ ।
સવિશેષાઃ પદાર્થા યે તત્ર વૈશેષિકઃ કૃતી ।
નિર્વિશેષં પરં બ્રહ્મ તત્ર વૈશેષિકસ્ય કિમ્

મુક્તં સાધર્મ્યવૈધર્મ્યૈસ્તત્ત્વજ્ઞાનં હિ મુક્તયે ।
સાધર્મ્યવૈધર્મ્યકૃતં તત્ત્વજ્ઞાનં ન મુક્તયે

શ્રુતિઃ સર્વપદાર્થાનાં વિસ્મૃત્યા મુક્તિમાહ યત્ ।
તર્હિ સર્વપદાર્થાનાં ચિન્તનૈઃ કિં પ્રયોજનમ્

કથં સાધર્મ્યવૈધર્મ્યે તત્ત્વજ્ઞાનસ્ય કારણમ્ ।
ન ચ સાધર્મ્યવૈધર્મ્યમદ્વયે પરમાત્મનિ

પદાર્થાનાં વિવેકેન પરમાત્મા પ્રકાશતે ।
ઇતિ ચેદ્વદસિ પ્રાજ્ઞ તર્હીદં મમ સંમતમ્

બદ્ધમુક્તવ્યવસ્થાયાં નાનાત્માનો ન વસ્તુતઃ ।
નાનાઽઽત્માનો વ્યવસ્થાન ઇત્યાહ મુનિગૌતમઃ

કલ્પનાગૌરવં દોષઃ કલ્પનાલાઘવં ગુણઃ ।
ઇતિ યત્તાર્કિકૈરુક્તં તદેવ મમ રોચતે