ભેલસંહિતા · અધ્યાય 5.3

ઇયં મે શિષ્ટશિબિકા વૈડૂર્યમણિયન્ત્રિતા ।
એવં પ્રલાપયેચ્ચાર્તો ગતાયુરિતિ તં વિદુઃ ॥

પ્રજ્વલત્ય્ અપિ યો દીપે તમ એવાભિપશ્યતિ ।
( શબ્દાન્વિપ્રતિબુધ્યેત ચાપૂર્વાનિવ નાસ્તિ સઃ) ॥

આવાક્શિરાઃ પ્રલમ્બામિ નામ મા પરિવર્તય ।
મનુજઃ પ્રલપન્નેવં સપ્તાહં નાતિવર્તતે ॥

મર્માણિ દલિતાનીવ યો ઽ ભીક્ષ્ણં ચાતિસાર્યતે ।
પ્રવાહમાણો દુર્ગન્ધિ કુણપં પૂતિકં તથા ॥

તચ્ ચ લોહિતગન્ધં વાપ્ય્ અથવા મત્સ્યગન્ધિકમ્ ।
કૃષ્ણં નીલં વિવર્ણં વા મુમૂર્ષુશ્ ચ સ હોચ્યતે ॥

મધુમેહી વસામેહી સર્પિર્મેહી ચ યો નરઃ ।
બહુમેહી ચ યો જન્તુઃ સ વૈ પ્રોક્તઃ પરાસુકઃ ॥

પ્રમેહેત યદા જન્તુર્બિન્દું બિન્દું સવેદનમ્ ।
વાયુના ભિન્નવસ્તિઃ સ્યાદ્ દુર્લભં તસ્ય જીવિતમ્ ॥

ક્રિમયો બહવો યસ્ય નિસ્સરન્તિ શરીરિણઃ ।
આતુરસ્ય શયાનસ્ય નૌષધં તસ્ય સિધ્યતિ ॥

ઇત્ય્ એતાનિ ભિષક્ દૃષ્ટ્વા લક્ષણાનિ મુમૂર્ષતામ્ ।
ન ચિકિત્સાં પ્રયુઞ્જીત યથામાર્ગં ચિકીર્ષકઃ ॥ ઇત્ય્ આહ ભગવાન્ આત્રેયઃ ।
ઇતિ ભેલે ઇન્દ્રિયે તૃતીયો ઽ ધ્યાયઃ ॥ ॥ ચતુર્થો ઽ ધ્યાયઃ ॥