ભાવોપહારસ્તોત્ર · શ્લોક 21-40

તુરીયોદ્યાનવિકસત્સંવિત્સૌરભનિર્ભરૈઃ
ગિરીશ તિસૃભિર્ વાગ્ભિઃ સ્તુતિપુષ્પૈઃ પ્રપૂજ્યસે

પ્રાણવહ્નિશિખાસ્ત્રેણ ભઙ્ક્ત્વા બ્રહ્મબિલં લસત્
ધૂપવર્તિનિભાભાસો ધૂપસ્ તે નગજાધવ

અનાહતા નદત્ય્ અન્તર્ યા ગૌર્ ધામ્નિ પરે પરા
સા ઘણ્ટા વાદ્યતે શમ્ભોર્ અગ્રે ગ્રન્થાર્થગર્ભિણી

કન્દાનલોલ્લસચ્છક્તિશિખાં દીપશિખોપમામ્
ઉદ્દીપયામિ ભગવન્ મોહધ્વાન્તાપનુત્તયે

વૃત્તિત્યાગામૃતકલાચન્દ્રશ્ ચન્દ્રકિરીટિનઃ
સમાલમ્ભનવેવાસ્તુ મુમુક્ષૂણાં વિમુક્તયે

નાદશક્ત્યુદિતં ધામ મલત્રયવિવર્જિતમ્
ઉષ્ણીષમ્ અસ્તુ તે રુદ્ર વિદ્રાવિતનભો ઽર્ગલમ્

ભવદ્ભક્તિસુધાસારસંપ્લાવિતહૃદમ્બુધેઃ
પ્રોલ્લસદ્બ્રહ્મકમલમ્ અમલં તે ઽસ્તુ શેખરમ્

બોધારવિન્દસંદોહો હર હારલતા તવ
નિત્યોદિતાન્તરવ્યાપ્તિકલા ચન્દ્રકલા ચ તે

આકૃષ્યાર્કકરૈઃ શાક્તૈર્ વિશ્વાકાશકુશેશયાત્
ચિચ્ચન્દ્રામૃતનિઃષ્યન્દમ્ આસ્વાદય જગત્પતે

મન્ત્રં મનસિ તચ્છક્તૌ તાં સ્વધામ્નિ સદોદિતે
કૃત્વા જપવિધિં સમ્યક્ શિવાય વિનિવેદયે

નિઃશેષાર્થપરિત્યાગે ગ્રહણે વામિતાદ્ દ્યુતે
અનાબિલં પરાં વ્યાપ્તિં મુદ્રાં બધ્નામિ ધૂર્જટે

શષ્કુલીકર્ણયોર્ બદ્ધ્વા યો રાવો ઽત્ર વિજૃમ્ભતે
તદ્ગીતમ્ અથ તે વાદ્યમ્ આદ્યસંપુટઘટ્ટનાત્

ભવદ્ભાવરસાવેશાત્ તાણ્ડવાડમ્બરોદ્ધતઃ
મન્ત્રાધ્વનિ નદામ્ય્ અન્તઃ કિમ્ ઉ બાહ્યાર્થભાવનૈઃ

અખણ્ડમણ્ડલાકારશિવતાભાવનામ્બરમ્
ઉપરિષ્ટાન્ મયા શમ્ભોર્ વિતાનમ્ ઉપકલ્પિતમ્

રેચયિત્વા કરન્ધ્રેણ ભાચક્રં હૃદયામ્બરાત્
ધાર્યતે ધૂર્જટેર્ અગ્રે ચારુચામરવન્ મયા

નાસાપુટકુટીકોટિવિસૃતૈઃ પ્રસૃતૈઃ પુરઃ
તાલવૃન્તૈર્ ઇવ વિભો વીજ્યસે હંસમારુતૈઃ

સર્વાતપવિનિર્મુક્તં & ભવદ્ભક્તિસુધાસિતમ્
આતપત્રમ્ અથાસ્માભિર્ & ધાર્યતે તે મહાશય

મમતામન્દુરાત્યાગા&ત્રૈલોક્યાકર્ષણક્ષમઃ
અહંકારતુરઙ્ગસ્ તે & વાહનાય પ્રકલ્પિતઃ

સ્વસંવિન્નન્દનાનન્દ&નાગવલ્લીદલોજ્જ્વલમ્
સ્ફુરત્સ્પન્દેન્દુસુરભિ & તામ્બૂલં તે નિવેદ્યતે

ભોગ્યભોક્તૃવિભેદોત્થ&વાસનેન્ધનસંચયમ્
અદ્વૈતાગ્નૌ જુહોમ્ય્ અન્તઃ & શાંકરે સ્રેયસામ્ નિધૌ