ભાવોપહારસ્તોત્ર · શ્લોક 1-20

[ઓં] નમઃ સૂર્યકલાજાલ&કાલદેહાપહારિણે
આધારાધેયપીઠાય & ભવાયાભવદાયિને

નમઃ શિશુનિશાકાન્ત&કલાકમલમાલિને
પરમાનન્દદેહાય & શિવાયાવ્યક્તમૂર્તયે

નમઃ પાશૌઘસંઘટ્ટલયવિશ્લેષકારિણે
મન્ત્રગર્ભોદરસ્થાય હરાય પરમાત્મને

યદ્યપિ ત્વં ગુણાતીતો વાક્પતેર્ અપ્ય્ અગોચરઃ
તથાપ્ય્ આ હૃદયાત્ સ્તોતુમ્ ઉદ્યતા વાક્ સદા મમ

અતિભક્તિરસાવેશવિવશા વિશ્વતોમુખ
ત્વત્પ્રેરિતા યતો નાથ નાપરાધો ઽસ્તિ મે ક્વચિત્

ત્વત્પાદાબ્જરજઃપૂતચિતાભૂતિવિભૂષિતાત્
ગૃહાણ મત્તઃ શ્રીકણ્ઠ ! ભાવપૂજામ્ અકૃત્રિમામ્

હૃત્પુષ્કરાખ્યે સ્નાત્વાન્તસ્ તીર્થે યોગિનિષેવિતે
સંબોધધૌતવસનઃ શ્યામકણ્ઠં યજામ્ય્ અહમ્

પ્રભૂતભૂતસંભૂતશોણિતૈર્ અર્ઘભાજનમ્
ક્રિયતે તે મહાકાલકાયકંકાલકન્દલે

યદ્ યદ્ વિકલ્પનાજાલં બાહ્યાર્થપ્રતિપત્તયે
તત્ તદ્ દ્વારાધિપકુલં તવ પૂજ્યં મનસ્વિભિઃ

અશેષાવરણોન્મુક્તગુપ્તસૌષુપ્તમણ્ડલે
પૂજ્યસે નગજાકાન્ત ! ગ્રહણે ચન્દ્રસૂર્યયોઃ

હાનાદાનોદયારમ્ભસદસદ્વિભ્રમોજ્ઝિતમ્
જ્ઞપ્તિમાત્રપ્રતિષ્ઠાનમ્ આસનં ત્રિજગત્પતે

મૂર્તિદાનમ્ અનાભાસશક્તિભાસોપબૃંહિતમ્
તુર્યપીઠપ્રતિષ્ઠાનં વિતરામિ જગત્પતે

દિક્કાલદેશકલનાકલઙ્કોજ્ઝિતચેતસઃ
કઃ કરોતિ બુધઃ સ્થાણોર્ આહ્વાનાદિવિસર્જનમ્

સૂર્યશીતાંઉનેત્રાભ્યાં મથિત્વા શક્તિવારિધિમ્
પરામૃતરસાભ્યઙ્ગં શિવાય વિનિવેદયે

ઇન્દ્રિયેષ્વ્ ઇન્દ્રિયાર્થેષુ રાગલોભાનુયાયિષુ
નિઃસ્નેહત્વં પ્રભુત્વં ચ રૂક્ષમ્ ઉદ્વર્તનં તવ

સંશોધ્યાનચ્છકલયા બૈન્ધવં તીર્થમઞ્જસા
તદ્વિરામરસસ્નાનં દેયં ચન્દ્રાર્ધમૌલયે

સ્વપ્રબોધામ્બરોદારવિકસદ્વસ્ત્રઘર્ષણમ્
વિનિવેશ્ય ભવત્સંવિદ્વિકારાન્ વિકરામહે

જ્ઞાનજ્ઞેયપરિત્યાગનગનિર્ઝરવિસ્રુતમ્
પરમાનન્દદં મે ઽન્તસ્ તવ પાદ્યમ્ અનાબિલમ્

અમન્દાનન્દનિઃષ્યન્દસ્પન્દમન્દિરકન્દરાત્
ગલત્કૈવલ્યસલિલમ્ આદત્સ્વાચમનં વિભો

પ્રક્ષાલ્ય ધારણામ્ભોભિર્ ગ્રન્થિપઞ્ચકમૌક્તિકમ્
અનર્ઘ્યમ્ અર્ઘં પાદેભ્યઃ પ્રયચ્છામિ વૃષાકપે