ભાગવત પુરાણ · અધ્યાય 12.01

ઇત્થં હરેર્ ભગવતો રુચિરાવતાર- $ વીર્યાણિ બાલ-ચરિતાનિ ચ શન્તમાનિ &અમ્પ્;
અન્યત્ર ચેહ ચ શ્રુતાનિ ગૃણન્ મનુષ્યો % ભક્તિં પરાં પરમહંસ-ગતૌ લભેત ॥ ભ્પ્_11.31.028*
0 શ્રી-શુક ઉવાચ
યો ઽન્ત્યઃ પુરઞ્જયો નામ ભવિષ્યો બારહદ્રથઃ ।
તસ્યામાત્યસ્ તુ શુનકો હત્વા સ્વામિનમ્ આત્મ-જમ્

પ્રદ્યોત-સંજ્ઞં રાજાનં કર્તા યત્-પાલકઃ સુતઃ ।
વિશાખયૂપસ્ તત્-પુત્રો ભવિતા રાજકસ્ તતઃ

નન્દિવર્ધનસ્ તત્-પુત્રઃ પઞ્ચ પ્રદ્યોતના ઇમે ।
અષ્ટ-ત્રિંશોત્તર-શતં ભોક્ષ્યન્તિ પૃથિવીં નૃપાઃ

શિશુનાગસ્ તતો ભાવ્યઃ કાકવર્ણસ્ તુ તત્-સુતઃ ।
ક્ષેમધર્મા તસ્ય સુતઃ ક્ષેત્રજ્ઞઃ ક્ષેમધર્મ-જઃ

વિધિસારઃ સુતસ્ તસ્યા- જાતશત્રુર્ ભવિષ્યતિ ।
દર્ભકસ્ તત્-સુતો ભાવી દર્ભકસ્યાજયઃ સ્મૃતઃ

નન્દિવર્ધન આજેયો મહાનન્દિઃ સુતસ્ તતઃ ।
શિશુનાગા દશૈવૈતે સષ્ટ્ય્-ઉત્તર-શત-ત્રયમ્

સમા ભોક્ષ્યન્તિ પૃથિવીં કુરુ-શ્રેષ્ઠ કલૌ નૃપાઃ ।
મહાનન્દિ-સુતો રાજન્ શૂદ્રા-ગર્ભોદ્ભવો બલી

મહાપદ્મ-પતિઃ કશ્ચિન્ નન્દઃ ક્ષત્ર-વિનાશ-કૃત્ ।
તતો નૃપા ભવિષ્યન્તિ શૂદ્ર-પ્રાયાસ્ ત્વ્ અધાર્મિકાઃ

સ એક-ચ્છત્રાં પૃથિવીમ્ અનુલ્લઙ્ઘિત-શાસનઃ ।
શાસિષ્યતિ મહાપદ્મો દ્વિતીય ઇવ ભાર્ગવઃ

તસ્ય ચાષ્ટૌ ભવિષ્યન્તિ સુમાલ્ય-પ્રમુખાઃ સુતાઃ ।
ય ઇમાં ભોક્ષ્યન્તિ મહીં રાજાનશ્ ચ શતં સમાઃ

નવ નન્દાન્ દ્વિજઃ કશ્ચિત્ પ્રપન્નાન્ ઉદ્ધરિષ્યતિ ।
તેષાં અભાવે જગતીં મૌર્યા ભોક્ષ્યન્તિ વૈ કલૌ

સ એવ ચન્દ્રગુપ્તં વૈ દ્વિજો રાજ્યે ઽભિષેક્ષ્યતિ ।
તત્-સુતો વારિસારસ્ તુ તતશ્ ચાશોકવર્ધનઃ

સુયશા ભવિતા તસ્ય સઙ્ગતઃ સુયશઃ-સુતઃ ।
શાલિશૂકસ્ તતસ્ તસ્ય સોમશર્મા ભવિષ્યતિ ।
શતધન્વા તતસ્ તસ્ય ભવિતા તદ્-બૃહદ્રથઃ

મૌર્યા હ્ય્ એતે દશ નૃપાઃ સપ્ત-ત્રિંશચ્-છતોત્તરમ્ ।
સમા ભોક્ષ્યન્તિ પૃથિવીં કલૌ કુરુ-કુલોદ્વહ

અગ્નિમિત્રસ્ તતસ્ તસ્માત્ સુજ્યેષ્ઠો ભવિતા તતઃ ।
વસુમિત્રો ભદ્રકશ્ ચ પુલિન્દો ભવિતા સુતઃ

તતો ઘોષઃ સુતસ્ તસ્માદ્ વજ્રમિત્રો ભવિષ્યતિ ।
તતો ભાગવતસ્ તસ્માદ્ દેવભૂતિઃ કુરૂદ્વહ

શુઙ્ગા દશૈતે ભોક્ષ્યન્તિ ભૂમિં વર્ષ-શતાધિકમ્ ।
તતઃ કાણ્વાન્ ઇયં ભૂમિર્ યાસ્યત્ય્ અલ્પ-ગુણાન્ નૃપ

શુઙ્ગં હત્વા દેવભૂતિં કાણ્વો ઽમાત્યસ્ તુ કામિનમ્ ।
સ્વયં કરિષ્યતે રાજ્યં વસુદેવો મહા-મતિઃ

તસ્ય પુત્રસ્ તુ ભૂમિત્રસ્ તસ્ય નારાયણઃ સુતઃ ।
કાણ્વાયના ઇમે ભૂમિં ચત્વારિંશચ્ ચ પઞ્ચ ચ ।
શતાનિ ત્રીણિ ભોક્ષ્યન્તિ વર્ષાણાં ચ કલૌ યુગે

હત્વા કાણ્વં સુશર્માણં તદ્-ભૃત્યો વૃષલો બલી ।
ગાં ભોક્ષ્યત્ય્ અન્ધ્ર-જાતીયઃ કઞ્ચિત્ કાલમ્ અસત્તમઃ

કૃષ્ણ-નામાથ તદ્-ભ્રાતા ભવિતા પૃથિવી-પતિઃ ।
શ્રી-શાન્તકર્ણસ્ તત્-પુત્રઃ પૌર્ણમાસસ્ તુ તત્-સુતઃ

લમ્બોદરસ્ તુ તત્-પુત્રસ્ તસ્માચ્ ચિબિલકો નૃપઃ ।
મેઘસ્વાતિશ્ ચિબિલકાદ્ અટમાનસ્ તુ તસ્ય ચ

અનિષ્ટકર્મા હાલેયસ્ તલકસ્ તસ્ય ચાત્મ-જઃ ।
પુરીષભીરુસ્ તત્-પુત્રસ્ તતો રાજા સુનન્દનઃ

ચકોરો બહવો યત્ર શિવસ્વાતિર્ અરિન્-દમઃ ।
તસ્યાપિ ગોમતી પુત્રઃ પુરીમાન્ ભવિતા તતઃ

મેદશિરાઃ શિવસ્કન્દો યજ્ઞશ્રીસ્ તત્-સુતસ્ તતઃ ।
વિજયસ્ તત્-સુતો ભાવ્યશ્ ચન્દ્રવિજ્ઞઃ સ-લોમધિઃ

એતે ત્રિંશન્ નૃપતયશ્ ચત્વાર્ય્ અબ્દ-શતાનિ ચ ।
ષટ્-પઞ્ચાશચ્ ચ પૃથિવીં ભોક્ષ્યન્તિ કુરુ-નન્દન

સપ્તાભીરા આવભૃત્યા દશ ગર્દભિનો નૃપાઃ ।
કઙ્કાઃ ષોડશ ભૂ-પાલા ભવિષ્યન્ત્ય્ અતિ-લોલુપાઃ

તતો ઽષ્ટૌ યવના ભાવ્યાશ્ ચતુર્દશ તુરુષ્કકાઃ ।
ભૂયો દશ ગુરુણ્ડાશ્ ચ મૌલા એકાદશૈવ તુ

એતે ભોક્ષ્યન્તિ પૃથિવીં દશ વર્ષ-શતાનિ ચ ।
નવાધિકાં ચ નવતિં મૌલા એકાદશ ક્ષિતિમ્

ભોક્ષ્યન્ત્ય્ અબ્દ-શતાન્ય્ અઙ્ગ ત્રીણિ તૈઃ સંસ્થિતે તતઃ ।
કિલકિલાયાં નૃપતયો ભૂતનન્દો ઽથ વઙ્ગિરિઃ

શિશુનન્દિશ્ ચ તદ્-ભ્રાતા યશોનન્દિઃ પ્રવીરકઃ ।
ઇત્ય્ એતે વૈ વર્ષ-શતં ભવિષ્યન્ત્ય્ અધિકાનિ ષટ્

તેષાં ત્રયોદશ સુતા ભવિતારશ્ ચ બાહ્લિકાઃ ।
પુષ્પમિત્રો ઽથ રાજન્યો દુર્મિત્રો ઽસ્ય તથૈવ ચ

એક-કાલા ઇમે ભૂ-પાઃ સપ્તાન્ધ્રાઃ સપ્ત કૌશલાઃ ।
વિદૂર-પતયો ભાવ્યા નિષધાસ્ તત એવ હિ

માગધાનાં તુ ભવિતા વિશ્વસ્ફૂર્જિઃ પુરઞ્જયઃ ।
કરિષ્યત્ય્ અપરો વર્ણાન્ પુલિન્દ-યદુ-મદ્રકાન્

પ્રજાશ્ ચાબ્રહ્મ-ભૂયિષ્ઠાઃ સ્થાપયિષ્યતિ દુર્મતિઃ ।
વીર્યવાન્ ક્ષત્રમ્ ઉત્સાદ્ય પદ્મવત્યાં સ વૈ પુરિ ।
અનુ-ગઙ્ગમ્ આ-પ્રયાગં ગુપ્તાં ભોક્ષ્યતિ મેદિનીમ્

સૌરાષ્ટ્રાવન્ત્ય્-આભીરાશ્ ચ શૂરા અર્બુદ-માલવાઃ ।
વ્રાત્યા દ્વિજા ભવિષ્યન્તિ શૂદ્ર-પ્રાયા જનાધિપાઃ

સિન્ધોસ્ તટં ચન્દ્રભાગાં કૌન્તીં કાશ્મીર-મણ્ડલમ્ ।
ભોક્ષ્યન્તિ શૂદ્રા વ્રાત્યાદ્યા મ્લેચ્છાશ્ ચાબ્રહ્મ-વર્ચસઃ

તુલ્ય-કાલા ઇમે રાજન્ મ્લેચ્છ-પ્રાયાશ્ ચ ભૂ-ભૃતઃ ।
એતે ઽધર્માનૃત-પરાઃ ફલ્ગુ-દાસ્ તીવ્ર-મન્યવઃ

સ્ત્રી-બાલ-ગો-દ્વિજ-ઘ્નાશ્ ચ પર-દાર-ધનાદૃતાઃ ।
ઉદિતાસ્ત-મિત-પ્રાયા અલ્પ-સત્ત્વાલ્પકાયુષઃ

અસંસ્કૃતાઃ ક્રિયા-હીના રજસા તમસાવૃતાઃ ।
પ્રજાસ્ તે ભક્ષયિષ્યન્તિ મ્લેચ્છા રાજન્ય-રૂપિણઃ

તન્-નાથાસ્ તે જનપદાસ્ તચ્-છીલાચાર-વાદિનઃ ।
અન્યોન્યતો રાજભિશ્ ચ ક્ષયં યાસ્યન્તિ પીડિતાઃ