ભાગવત પુરાણ · અધ્યાય 10.28

ભ્પ્_10.28.001।0 શ્રી-બાદરાયણિર્ ઉવાચ
એકાદશ્યાં નિરાહારઃ સમભ્યર્ચ્ય જનાર્દનમ્ ।
સ્નાતું નન્દસ્ તુ કાલિન્દ્યાં દ્વાદશ્યાં જલમ્ આવિશત્

તં ગૃહીત્વાનયદ્ ભૃત્યો વરુણસ્યાસુરો ઽન્તિકમ્ ।
અવજ્ઞાયાસુરીં વેલાં પ્રવિષ્ટમ્ ઉદકં નિશિ

ચુક્રુશુસ્ તમ્ અપશ્યન્તઃ કૃષ્ણ રામેતિ ગોપકાઃ ।
ભગવાંસ્ તદ્ ઉપશ્રુત્ય પિતરં વરુણાહૃતમ્ ।
તદ્-અન્તિકં ગતો રાજન્ સ્વાનામ્ અભય-દો વિભુઃ

પ્રાપ્તં વીક્ષ્ય હૃષીકેશં લોક-પાલઃ સપર્યયા ।
મહત્યા પૂજયિત્વાહ તદ્-દર્શન-મહોત્સવઃ

ભ્પ્_10.28.005।0 શ્રી-વરુણ ઉવાચ
અદ્ય મે નિભૃતો દેહો ઽદ્યૈવાર્થો ઽધિગતઃ પ્રભો ।
ત્વત્-પાદ-ભાજો ભગવન્ન્ અવાપુઃ પારમ્ અધ્વનઃ

નમસ્ તુભ્યં ભગવતે બ્રહ્મણે પરમાત્મને ।
ન યત્ર શ્રૂયતે માયા લોક-સૃષ્ટિ-વિકલ્પના

અજાનતા મામકેન મૂઢેનાકાર્ય-વેદિના ।
આનીતો ઽયં તવ પિતા તદ્ ભવાન્ ક્ષન્તુમ્ અર્હતિ

મમાપ્ય્ અનુગ્રહં કૃષ્ણ કર્તુમ્ અર્હસ્ય્ અશેષ-દૃક્ ।
ગોવિન્દ નીયતામ્ એષ પિતા તે પિતૃ-વત્સલ

ભ્પ્_10.28.009।0 શ્રી-શુક ઉવાચ
એવં પ્રસાદિતઃ કૃષ્ણો ભગવાન્ ઈશ્વરેશ્વરઃ ।
આદાયાગાત્ સ્વ-પિતરં બન્ધૂનાં ચાવહન્ મુદમ્

નન્દસ્ ત્વ્ અતીન્દ્રિયં દૃષ્ટ્વા લોક-પાલ-મહોદયમ્ ।
કૃષ્ણે ચ સન્નતિં તેષાં જ્ઞાતિભ્યો વિસ્મિતો ઽબ્રવીત્

તે ચૌત્સુક્ય-ધિયો રાજન્ મત્વા ગોપાસ્ તમ્ ઈશ્વરમ્ ।
અપિ નઃ સ્વ-ગતિં સૂક્ષ્મામ્ ઉપાધાસ્યદ્ અધીશ્વરઃ

ઇતિ સ્વાનાં સ ભગવાન્ વિજ્ઞાયાખિલ-દૃક્ સ્વયમ્ ।
સઙ્કલ્પ-સિદ્ધયે તેષાં કૃપયૈતદ્ અચિન્તયત્

જનો વૈ લોક એતસ્મિન્ન્ અવિદ્યા-કામ-કર્મભિઃ ।
ઉચ્ચાવચાસુ ગતિષુ ન વેદ સ્વાં ગતિં ભ્રમન્

ઇતિ સઞ્ચિન્ત્ય ભગવાન્ મહા-કારુણિકો હરિઃ ।
દર્શયામ્ આસ લોકં સ્વં ગોપાનાં તમસઃ પરમ્

સત્યં જ્ઞાનમ્ અનન્તં યદ્ બ્રહ્મ-જ્યોતિઃ સનાતનમ્ ।
યદ્ ધિ પશ્યન્તિ મુનયો ગુણાપાયે સમાહિતાઃ

તે તુ બ્રહ્મ-હ્રદમ્ નીતા મગ્નાઃ કૃષ્ણેન ચોદ્ધૃતાઃ ।
દદૃશુર્ બ્રહ્મણો લોકં યત્રાક્રૂરો ઽધ્યગાત્ પુરા

નન્દાદયસ્ તુ તં દૃષ્ટ્વા પરમાનન્દ-નિવૃતાઃ ।
કૃષ્ણં ચ તત્ર ચ્છન્દોભિઃ સ્તૂયમાનં સુ-વિસ્મિતાઃ