ભાગવત પુરાણ · અધ્યાય 10.26

ભ્પ્_10.26.001।0 શ્રી-શુક ઉવાચ
એવં-વિધાનિ કર્માણિ ગોપાઃ કૃષ્ણસ્ય વીક્ષ્ય તે ।
અતદ્-વીર્ય-વિદઃ પ્રોચુઃ સમભ્યેત્ય સુ-વિસ્મિતાઃ

બાલકસ્ય યદ્ એતાનિ કર્માણ્ય્ અત્ય્-અદ્ભુતાનિ વૈ ।
કથમ્ અર્હત્ય્ અસૌ જન્મ ગ્રામ્યેષ્વ્ આત્મ-જુગુપ્સિતમ્

યઃ સપ્ત-હાયનો બાલઃ કરેણૈકેન લીલયા ।
કથં બિભ્રદ્ ગિરિ-વરં પુષ્કરં ગજ-રાડ્ ઇવ

તોકેનામીલિતાક્ષેણ પૂતનાયા મહૌજસઃ ।
પીતઃ સ્તનઃ સહ પ્રાણૈઃ કાલેનેવ વયસ્ તનોઃ

હિન્વતો ઽધઃ શયાનસ્ય માસ્યસ્ય ચરણાવ્ ઉદક્ ।
અનો ઽપતદ્ વિપર્યસ્તં રુદતઃ પ્રપદાહતમ્

એક-હાયન આસીનો હ્રિયમાણો વિહાયસા ।
દૈત્યેન યસ્ તૃણાવર્તમ્ અહન્ કણ્ઠ-ગ્રહાતુરમ્

ક્વચિદ્ ધૈયઙ્ગવ-સ્તૈન્યે માત્રા બદ્ધ ઉદૂખલે ।
ગચ્છન્ન્ અર્જુનયોર્ મધ્યે બાહુભ્યાં તાવ્ અપાતયત્

વને સઞ્ચારયન્ વત્સાન્ સ-રામો બાલકૈર્ વૃતઃ ।
હન્તુ-કામં બકં દોર્ભ્યાં મુખતો ઽરિમ્ અપાટયત્

વત્સેષુ વત્સ-રૂપેણ પ્રવિશન્તં જિઘાંસયા ।
હત્વા ન્યપાતયત્ તેન કપિત્થાનિ ચ લીલયા

હત્વા રાસભ-દૈતેયં તદ્-બન્ધૂંશ્ ચ બલાન્વિતઃ ।
ચક્રે તાલ-વનં ક્ષેમં પરિપક્વ-ફલાન્વિતમ્

પ્રલમ્બં ઘાતયિત્વોગ્રં બલેન બલ-શાલિના ।
અમોચયદ્ વ્રજ-પશૂન્ ગોપાંશ્ ચારણ્ય-વહ્નિતઃ

આશી-વિષતમાહીન્દ્રં દમિત્વા વિમદં હ્રદાત્ ।
પ્રસહ્યોદ્વાસ્ય યમુનાં ચક્રે ઽસૌ નિર્વિષોદકામ્

દુસ્ત્યજશ્ ચાનુરાગો ઽસ્મિન્ સર્વેષાં નો વ્રજૌકસામ્ ।
નન્દ તે તનયે ઽસ્માસુ તસ્યાપ્ય્ ઔત્પત્તિકઃ કથમ્

ક્વ સપ્ત-હાયનો બાલઃ ક્વ મહાદ્રિ-વિધારણમ્ ।
તતો નો જાયતે શઙ્કા વ્રજ-નાથ તવાત્મજે

ભ્પ્_10.26.015।0 શ્રી-નન્દ ઉવાચ
શ્રૂયતાં મે વચો ગોપા વ્યેતુ શઙ્કા ચ વો ઽર્ભકે ।
એનમ્ કુમારમ્ ઉદ્દિશ્ય ગર્ગો મે યદ્ ઉવાચ હ

વર્ણાસ્ ત્રયઃ કિલાસ્યાસન્ ગૃહ્ણતો ઽનુ-યુગં તનૂઃ ।
શુક્લો રક્તસ્ તથા પીત ઇદાનીં કૃષ્ણતાં ગતઃ

પ્રાગયં વસુદેવસ્ય ક્વચિજ્ જાતસ્ તવાત્મજઃ ।
વાસુદેવ ઇતિ શ્રીમાન્ અભિજ્ઞાઃ સમ્પ્રચક્ષતે

બહૂનિ સન્તિ નામાનિ રૂપાણિ ચ સુતસ્ય તે ।
ગુણ -કર્માનુરૂપાણિ તાન્ય્ અહં વેદ નો જનાઃ

એષ વઃ શ્રેય આધાસ્યદ્ ગોપ-ગોકુલ-નન્દનઃ ।
અનેન સર્વ-દુર્ગાણિ યૂયમ્ અઞ્જસ્ તરિષ્યથ

પુરાનેન વ્રજ-પતે સાધવો દસ્યુ-પીડિતાઃ ।
અરાજકે રક્ષ્યમાણા જિગ્યુર્ દસ્યૂન્ સમેધિતાઃ

ય એતસ્મિન્ મહા-ભાગે પ્રીતિં કુર્વન્તિ માનવાઃ ।
નારયો ઽભિભવન્ત્ય્ એતાન્ વિષ્ણુ-પક્ષાન્ ઇવાસુરાઃ

તસ્માન્ નન્દ કુમારો ઽયં નારાયણ-સમો ગુણૈઃ ।
શ્રિયા કીર્ત્યાનુભાવેન તત્-કર્મસુ ન વિસ્મયઃ

ઇત્ય્ અદ્ધા માં સમાદિશ્ય ગર્ગે ચ સ્વ-ગૃહં ગતે ।
મન્યે નારાયણસ્યાંશં કૃષ્ણમ્ અક્લિષ્ટ-કારિણમ્

ઇતિ નન્દ-વચઃ શ્રુત્વા ગર્ગ-ગીતં તં વ્રજૌકસઃ ।
મુદિતા નન્દમ્ આનર્ચુઃ કૃષ્ણં ચ ગત-વિસ્મયાઃ