ભાગવત પુરાણ · અધ્યાય 09.12

ભ્પ્_09.12.001।0 શ્રીશુક ઉવાચ
કુશસ્ય ચાતિથિસ્તસ્માન્ નિષધસ્તત્સુતો નભઃ ।
પુણ્ડરીકો ઽથ તત્પુત્રઃ ક્ષેમધન્વાભવત્ તતઃ

દેવાનીકસ્તતો ઽનીહઃ પારિયાત્રો ઽથ તત્સુતઃ ।
તતો બલસ્થલસ્તસ્માદ્વજ્રનાભો ઽર્કસમ્ભવઃ

સગણસ્તત્સુતસ્તસ્માદ્વિધૃતિશ્ચાભવત્ સુતઃ ।
તતો હિરણ્યનાભો ઽભૂદ્યોગાચાર્યસ્તુ જૈમિનેઃ

શિષ્યઃ કૌશલ્ય આધ્યાત્મં યાજ્ઞવલ્ક્યો ઽધ્યગાદ્યતઃ ।
યોગં મહોદયમૃષિર્હૃદયગ્રન્થિભેદકમ્

પુષ્પો હિરણ્યનાભસ્ય ધ્રુવસન્ધિસ્તતો ઽભવત્ ।
સુદર્શનો ઽથાગ્નિવર્ણઃ શીઘ્રસ્તસ્ય મરુઃ સુતઃ

સો ઽસાવ્ આસ્તે યોગસિદ્ધઃ કલાપગ્રામમાસ્થિતઃ ।
કલેરન્તે સૂર્યવંશં નષ્ટં ભાવયિતા પુનઃ

તસ્માત્ પ્રસુશ્રુતસ્તસ્ય સન્ધિસ્તસ્યાપ્યમર્ષણઃ ।
મહસ્વાંસ્તત્સુતસ્તસ્માદ્વિશ્વબાહુરજાયત

તતઃ પ્રસેનજિત્ તસ્માત્ તક્ષકો ભવિતા પુનઃ ।
તતો બૃહદ્બલો યસ્તુ પિત્રા તે સમરે હતઃ

એતે હીક્ષ્વાકુભૂપાલા અતીતાઃ શૃણ્વ્ અનાગતાન્ ।
બૃહદ્બલસ્ય ભવિતા પુત્રો નામ્ના બૃહદ્રણઃ

ઊરુક્રિયઃ સુતસ્તસ્ય વત્સવૃદ્ધો ભવિષ્યતિ ।
પ્રતિવ્યોમસ્તતો ભાનુર્દિવાકો વાહિનીપતિઃ

સહદેવસ્તતો વીરો બૃહદશ્વો ઽથ ભાનુમાન્ ।
પ્રતીકાશ્વો ભાનુમતઃ સુપ્રતીકો ઽથ તત્સુતઃ

ભવિતા મરુદેવો ઽથ સુનક્ષત્રો ઽથ પુષ્કરઃ ।
તસ્યાન્તરિક્ષસ્તત્પુત્રઃ સુતપાસ્તદમિત્રજિત્

બૃહદ્રાજસ્તુ તસ્યાપિ બર્હિસ્તસ્માત્ કૃતઞ્જયઃ ।
રણઞ્જયસ્તસ્ય સુતઃ સઞ્જયો ભવિતા તતઃ

તસ્માચ્ છાક્યો ઽથ શુદ્ધોદો લાઙ્ગલસ્તત્સુતઃ સ્મૃતઃ ।
તતઃ પ્રસેનજિત્ તસ્માત્ ક્ષુદ્રકો ભવિતા તતઃ

રણકો ભવિતા તસ્માત્ સુરથસ્તનયસ્તતઃ ।
સુમિત્રો નામ નિષ્ઠાન્ત એતે બાર્હદ્બલાન્વયાઃ

ઇક્ષ્વાકૂણામયં વંશઃ સુમિત્રાન્તો ભવિષ્યતિ ।
યતસ્તં પ્રાપ્ય રાજાનં સંસ્થાં પ્રાપ્સ્યતિ વૈ કલૌ