ભાગવત પુરાણ · અધ્યાય 09.07

ભ્પ્_09.07.001।0 શ્રીશુક ઉવાચ
માન્ધાતુઃ પુત્રપ્રવરો યો ઽમ્બરીષઃ પ્રકીર્તિતઃ ।
પિતામહેન પ્રવૃતો યૌવનાશ્વસ્તુ તત્સુતઃ ।
હારીતસ્તસ્ય પુત્રો ઽભૂન્ માન્ધાતૃપ્રવરા ઇમે

નર્મદા ભ્રાતૃભિર્દત્તા પુરુકુત્સાય યોરગૈઃ ।
તયા રસાતલં નીતો ભુજગેન્દ્રપ્રયુક્તયા

ગન્ધર્વાન્ અવધીત્ તત્ર વધ્યાન્ વૈ વિષ્ણુશક્તિધૃક્ ।
નાગાલ્ લબ્ધવરઃ સર્પાદભયં સ્મરતામિદમ્

ત્રસદ્દસ્યુઃ પૌરુકુત્સો યો ઽનરણ્યસ્ય દેહકૃત્ ।
હર્યશ્વસ્તત્સુતસ્તસ્માત્ પ્રારુણો ઽથ ત્રિબન્ધનઃ

તસ્ય સત્યવ્રતઃ પુત્રસ્ત્રિશઙ્કુરિતિ વિશ્રુતઃ ।
પ્રાપ્તશ્ચાણ્ડાલતાં શાપાદ્ગુરોઃ કૌશિકતેજસા

સશરીરો ગતઃ સ્વર્ગમદ્યાપિ દિવિ દૃશ્યતે ।
પાતિતો ઽવાક્શિરા દેવૈસ્તેનૈવ સ્તમ્ભિતો બલાત્

ત્રૈશઙ્કવો હરિશ્ચન્દ્રો વિશ્વામિત્રવસિષ્ઠયોઃ ।
યન્નિમિત્તમભૂદ્યુદ્ધં પક્ષિણોર્બહુવાર્ષિકમ્

સો ઽનપત્યો વિષણ્ણાત્મા નારદસ્યોપદેશતઃ ।
વરુણં શરણં યાતઃ પુત્રો મે જાયતાં પ્રભો

યદિ વીરો મહારાજ તેનૈવ ત્વાં યજે ઇતિ ।
તથેતિ વરુણેનાસ્ય પુત્રો જાતસ્તુ રોહિતઃ

જાતઃ સુતો હ્યનેનાઙ્ગ માં યજસ્વેતિ સો ઽબ્રવીત્ ।
યદા પશુર્નિર્દશઃ સ્યાદથ મેધ્યો ભવેદિતિ

નિર્દશે ચ સ આગત્ય યજસ્વેત્યાહ સો ઽબ્રવીત્ ।
દન્તાઃ પશોર્યજ્ જાયેરન્નથ મેધ્યો ભવેદિતિ

દન્તા જાતા યજસ્વેતિ સ પ્રત્યાહાથ સો ઽબ્રવીત્ ।
યદા પતન્ત્યસ્ય દન્તા અથ મેધ્યો ભવેદિતિ

પશોર્નિપતિતા દન્તા યજસ્વેત્યાહ સો ઽબ્રવીત્ ।
યદા પશોઃ પુનર્દન્તા જાયન્તે ઽથ પશુઃ શુચિઃ

પુનર્જાતા યજસ્વેતિ સ પ્રત્યાહાથ સો ઽબ્રવીત્ ।
સાન્નાહિકો યદા રાજન્ રાજન્યો ઽથ પશુઃ શુચિઃ

ઇતિ પુત્રાનુરાગેણ સ્નેહયન્ત્રિતચેતસા ।
કાલં વઞ્ચયતા તં તમુક્તો દેવસ્તમૈક્ષત

રોહિતસ્તદભિજ્ઞાય પિતુઃ કર્મ ચિકીર્ષિતમ્ ।
પ્રાણપ્રેપ્સુર્ધનુષ્પાણિરરણ્યં પ્રત્યપદ્યત

પિતરં વરુણગ્રસ્તં શ્રુત્વા જાતમહોદરમ્ ।
રોહિતો ગ્રામમેયાય તમિન્દ્રઃ પ્રત્યષેધત

ભૂમેઃ પર્યટનં પુણ્યં તીર્થક્ષેત્રનિષેવણૈઃ ।
રોહિતાયાદિશચ્ છક્રઃ સો ઽપ્યરણ્યે ઽવસત્ સમામ્

એવં દ્વિતીયે તૃતીયે ચતુર્થે પઞ્ચમે તથા ।
અભ્યેત્યાભ્યેત્ય સ્થવિરો વિપ્રો ભૂત્વાહ વૃત્રહા

ષષ્ઠં સંવત્સરં તત્ર ચરિત્વા રોહિતઃ પુરીમ્ ।
ઉપવ્રજન્નજીગર્તાદક્રીણાન્ મધ્યમં સુતમ્

શુનઃશેફં પશું પિત્રે પ્રદાય સમવન્દત ।
તતઃ પુરુષમેધેન હરિશ્ચન્દ્રો મહાયશાઃ

મુક્તોદરો ઽયજદ્દેવાન્ વરુણાદીન્ મહત્કથઃ ।
વિશ્વામિત્રો ઽભવત્ તસ્મિન્ હોતા ચાધ્વર્યુરાત્મવાન્

જમદગ્નિરભૂદ્બ્રહ્મા વસિષ્ઠો ઽયાસ્યઃ સામગઃ ।
તસ્મૈ તુષ્ટો દદાવ્ ઇન્દ્રઃ શાતકૌમ્ભમયં રથમ્

શુનઃશેફસ્ય માહાત્મ્યમુપરિષ્ટાત્ પ્રચક્ષ્યતે ।
સત્યં સારં ધૃતિં દૃષ્ટ્વા સભાર્યસ્ય ચ ભૂપતેઃ

વિશ્વામિત્રો ભૃશં પ્રીતો દદાવ્ અવિહતાં ગતિમ્ ।
મનઃ પૃથિવ્યાં તામદ્ભિસ્તેજસાપો ઽનિલેન તત્

ખે વાયું ધારયંસ્તચ્ ચ ભૂતાદૌ તં મહાત્મનિ ।
તસ્મિન્ જ્ઞાનકલાં ધ્યાત્વા તયાજ્ઞાનં વિનિર્દહન્

હિત્વા તાં સ્વેન ભાવેન નિર્વાણસુખસંવિદા ।
અનિર્દેશ્યાપ્રતર્ક્યેણ તસ્થૌ વિધ્વસ્તબન્ધનઃ