ભાગવત પુરાણ · અધ્યાય 09.05

ભ્પ્_09.05.001।0 શ્રીશુક ઉવાચ
એવં ભગવતાદિષ્ટો દુર્વાસાશ્ચક્રતાપિતઃ ।
અમ્બરીષમુપાવૃત્ય તત્પાદૌ દુઃખિતો ઽગ્રહીત્

તસ્ય સોદ્યમમાવીક્ષ્ય પાદસ્પર્શવિલજ્જિતઃ ।
અસ્તાવીત્ તદ્ધરેરસ્ત્રં કૃપયા પીડિતો ભૃશમ્

ભ્પ્_09.05.003।0 અમ્બરીષ ઉવાચ
ત્વમગ્નિર્ભગવાન્ સૂર્યસ્ત્વં સોમો જ્યોતિષાં પતિઃ ।
ત્વમાપસ્ત્વં ક્ષિતિર્વ્યોમ વાયુર્માત્રેન્દ્રિયાણિ ચ

સુદર્શન નમસ્તુભ્યં સહસ્રારાચ્યુતપ્રિય ।
સર્વાસ્ત્રઘાતિન્ વિપ્રાય સ્વસ્તિ ભૂયા ઇડસ્પતે

ત્વં ધર્મસ્ત્વમૃતં સત્યં ત્વં યજ્ઞો ઽખિલયજ્ઞભુક્ ।
ત્વં લોકપાલઃ સર્વાત્મા ત્વં તેજઃ પૌરુષં પરમ્

નમઃ સુનાભાખિલધર્મસેતવે હ્યધર્મશીલાસુરધૂમકેતવે ।
ત્રૈલોક્યગોપાય વિશુદ્ધવર્ચસે મનોજવાયાદ્ભુતકર્મણે ગૃણે

ત્વત્તેજસા ધર્મમયેન સંહૃતં તમઃ પ્રકાશશ્ચ દૃશો મહાત્મનામ્ ।
દુરત્યયસ્તે મહિમા ગિરાં પતે ત્વદ્રૂપમેતત્ સદસત્ પરાવરમ્

યદા વિસૃષ્ટસ્ત્વમનઞ્જનેન વૈ બલં પ્રવિષ્ટો ઽજિત દૈત્યદાનવમ્ ।
બાહૂદરોર્વઙ્ઘ્રિશિરોધરાણિ વૃશ્ચન્નજસ્રં પ્રધને વિરાજસે

સ ત્વં જગત્ત્રાણ ખલપ્રહાણયે નિરૂપિતઃ સર્વસહો ગદાભૃતા ।
વિપ્રસ્ય ચાસ્મત્કુલદૈવહેતવે વિધેહિ ભદ્રં તદનુગ્રહો હિ નઃ

યદ્યસ્તિ દત્તમિષ્ટં વા સ્વધર્મો વા સ્વનુષ્ઠિતઃ ।
કુલં નો વિપ્રદૈવં ચેદ્દ્વિજો ભવતુ વિજ્વરઃ

યદિ નો ભગવાન્ પ્રીત એકઃ સર્વગુણાશ્રયઃ ।
સર્વભૂતાત્મભાવેન દ્વિજો ભવતુ વિજ્વરઃ

ભ્પ્_09.05.012।0 શ્રીશુક ઉવાચ
ઇતિ સંસ્તુવતો રાજ્ઞો વિષ્ણુચક્રં સુદર્શનમ્ ।
અશામ્યત્ સર્વતો વિપ્રં પ્રદહદ્રાજયાચ્ઞયા

સ મુક્તો ઽસ્ત્રાગ્નિતાપેન દુર્વાસાઃ સ્વસ્તિમાંસ્તતઃ ।
પ્રશશંસ તમુર્વીશં યુઞ્જાનઃ પરમાશિષઃ

ભ્પ્_09.05.014।0 દુર્વાસા ઉવાચ
અહો અનન્તદાસાનાં મહત્ત્વં દૃષ્ટમદ્ય મે ।
કૃતાગસો ઽપિ યદ્રાજન્ મઙ્ગલાનિ સમીહસે

દુષ્કરઃ કો નુ સાધૂનાં દુસ્ત્યજો વા મહાત્મનામ્ ।
યૈઃ સઙ્ગૃહીતો ભગવાન્ સાત્વતામૃષભો હરિઃ

યન્નામશ્રુતિમાત્રેણ પુમાન્ ભવતિ નિર્મલઃ ।
તસ્ય તીર્થપદઃ કિં વા દાસાનામવશિષ્યતે

રાજન્નનુગૃહીતો ઽહં ત્વયાતિકરુણાત્મના ।
મદઘં પૃષ્ઠતઃ કૃત્વા પ્રાણા યન્ મે ઽભિરક્ષિતાઃ

રાજા તમકૃતાહારઃ પ્રત્યાગમનકાઙ્ક્ષયા ।
ચરણાવ્ ઉપસઙ્ગૃહ્ય પ્રસાદ્ય સમભોજયત્

સો ઽશિત્વાદૃતમાનીતમાતિથ્યં સાર્વકામિકમ્ ।
તૃપ્તાત્મા નૃપતિં પ્રાહ ભુજ્યતામિતિ સાદરમ્

પ્રીતો ઽસ્મ્યનુગૃહીતો ઽસ્મિ તવ ભાગવતસ્ય વૈ ।
દર્શનસ્પર્શનાલાપૈરાતિથ્યેનાત્મમેધસા

કર્માવદાતમેતત્ તે ગાયન્તિ સ્વઃસ્ત્રિયો મુહુઃ ।
કીર્તિં પરમપુણ્યાં ચ કીર્તયિષ્યતિ ભૂરિયમ્

ભ્પ્_09.05.022।0 શ્રીશુક ઉવાચ
એવં સઙ્કીર્ત્ય રાજાનં દુર્વાસાઃ પરિતોષિતઃ ।
યયૌ વિહાયસામન્ત્ર્ય બ્રહ્મલોકમહૈતુકમ્

સંવત્સરો ઽત્યગાત્ તાવદ્યાવતા નાગતો ગતઃ ।
મુનિસ્તદ્દર્શનાકાઙ્ક્ષો રાજાબ્ભક્ષો બભૂવ હ

ગતે ઽથ દુર્વાસસિ સો ઽમ્બરીષો દ્વિજોપયોગાતિપવિત્રમાહરત્ ।
ઋષેર્વિમોક્ષં વ્યસનં ચ વીક્ષ્ય મેને સ્વવીર્યં ચ પરાનુભાવમ્

એવં વિધાનેકગુણઃ સ રાજા પરાત્મનિ બ્રહ્મણિ વાસુદેવે ।
ક્રિયાકલાપૈઃ સમુવાહ ભક્તિં યયાવિરિઞ્ચ્યાન્ નિરયાંશ્ચકાર

ભ્પ્_09.05.026।0 શ્રીશુક ઉવાચ
અથામ્બરીષસ્તનયેષુ રાજ્યં સમાનશીલેષુ વિસૃજ્ય ધીરઃ ।
વનં વિવેશાત્મનિ વાસુદેવે મનો દધદ્ધ્વસ્તગુણપ્રવાહઃ

ઇત્યેતત્ પુણ્યમાખ્યાનમમ્બરીષસ્ય ભૂપતે ।
સઙ્કીર્તયન્નનુધ્યાયન્ ભક્તો ભગવતો ભવેત્

અમ્બરીષસ્ય ચરિતં યે શૃણ્વન્તિ મહાત્મનઃ ।
મુક્તિં પ્રયાન્તિ તે સર્વે ભક્ત્યા વિષ્ણોઃ પ્રસાદતઃ