ભાગવત પુરાણ · અધ્યાય 08.13

અસદવિષયમઙ્ઘ્રિં ભાવગમ્યં પ્રપન્નાન્ $ અમૃતમમરવર્યાન્ આશયત્ સિન્ધુમથ્યમ્ &અમ્પ્;
કપટયુવતિવેષો મોહયન્ યઃ સુરારીંસ્ % તમહમુપસૃતાનાં કામપૂરં નતો ઽસ્મિ ॥ ભ્પ્_08.12.047*
0 શ્રીશુક ઉવાચ
મનુર્વિવસ્વતઃ પુત્રઃ શ્રાદ્ધદેવ ઇતિ શ્રુતઃ ।
સપ્તમો વર્તમાનો યસ્તદપત્યાનિ મે શૃણુ

ઇક્ષ્વાકુર્નભગશ્ચૈવ ધૃષ્ટઃ શર્યાતિરેવ ચ ।
નરિષ્યન્તો ઽથ નાભાગઃ સપ્તમો દિષ્ટ ઉચ્યતે

તરૂષશ્ચ પૃષધ્રશ્ચ દશમો વસુમાન્ સ્મૃતઃ ।
મનોર્વૈવસ્વતસ્યૈતે દશપુત્રાઃ પરન્તપ

આદિત્યા વસવો રુદ્રા વિશ્વેદેવા મરુદ્ગણાઃ ।
અશ્વિનાવૃભવો રાજન્નિન્દ્રસ્તેષાં પુરન્દરઃ

કશ્યપો ઽત્રિર્વસિષ્ઠશ્ચ વિશ્વામિત્રો ઽથ ગૌતમઃ ।
જમદગ્નિર્ભરદ્વાજ ઇતિ સપ્તર્ષયઃ સ્મૃતાઃ

અત્રાપિ ભગવજ્જન્મ કશ્યપાદદિતેરભૂત્ ।
આદિત્યાનામવરજો વિષ્ણુર્વામનરૂપધૃક્

સઙ્ક્ષેપતો મયોક્તાનિ સપ્તમન્વન્તરાણિ તે ।
ભવિષ્યાણ્ય્ અથ વક્ષ્યામિ વિષ્ણોઃ શક્ત્યાન્વિતાનિ ચ

વિવસ્વતશ્ચ દ્વે જાયે વિશ્વકર્મસુતે ઉભે ।
સંજ્ઞા છાયા ચ રાજેન્દ્ર યે પ્રાગ્ અભિહિતે તવ

તૃતીયાં વડવામેકે તાસાં સંજ્ઞાસુતાસ્ત્રયઃ ।
યમો યમી શ્રાદ્ધદેવશ્છાયાયાશ્ચ સુતાન્ છૃણુ

સાવર્ણિસ્તપતી કન્યા ભાર્યા સંવરણસ્ય યા ।
શનૈશ્ચરસ્તૃતીયો ઽભૂદશ્વિનૌ વડવાત્મજૌ

અષ્ટમે ઽન્તર આયાતે સાવર્ણિર્ભવિતા મનુઃ ।
નિર્મોકવિરજસ્કાદ્યાઃ સાવર્ણિતનયા નૃપ

તત્ર દેવાઃ સુતપસો વિરજા અમૃતપ્રભાઃ ।
તેષાં વિરોચનસુતો બલિરિન્દ્રો ભવિષ્યતિ

દત્ત્વેમાં યાચમાનાય વિષ્ણવે યઃ પદત્રયમ્ ।
રાદ્ધમિન્દ્રપદં હિત્વા તતઃ સિદ્ધિમવાપ્સ્યતિ

યો ઽસૌ ભગવતા બદ્ધઃ પ્રીતેન સુતલે પુનઃ ।
નિવેશિતો ઽધિકે સ્વર્ગાદધુનાસ્તે સ્વરાડ્ ઇવ

ગાલવો દીપ્તિમાન્ રામો દ્રોણપુત્રઃ કૃપસ્તથા ।
ઋષ્યશૃઙ્ગઃ પિતાસ્માકં ભગવાન્ બાદરાયણઃ

ઇમે સપ્તર્ષયસ્તત્ર ભવિષ્યન્તિ સ્વયોગતઃ ।
ઇદાનીમાસતે રાજન્ સ્વે સ્વ આશ્રમમણ્ડલે

દેવગુહ્યાત્ સરસ્વત્યાં સાર્વભૌમ ઇતિ પ્રભુઃ ।
સ્થાનં પુરન્દરાદ્ધૃત્વા બલયે દાસ્યતીશ્વરઃ

નવમો દક્ષસાવર્ણિર્મનુર્વરુણસમ્ભવઃ ।
ભૂતકેતુર્દીપ્તકેતુરિત્ય્ આદ્યાસ્તત્સુતા નૃપ

પારામરીચિગર્ભાદ્યા દેવા ઇન્દ્રો ઽદ્ભુતઃ સ્મૃતઃ ।
દ્યુતિમત્પ્રમુખાસ્તત્ર ભવિષ્યન્ત્ય્ ઋષયસ્તતઃ

આયુષ્મતો ઽમ્બુધારાયામૃષભો ભગવત્કલા ।
ભવિતા યેન સંરાદ્ધાં ત્રિલોકીં ભોક્ષ્યતે ઽદ્ભુતઃ

દશમો બ્રહ્મસાવર્ણિરુપશ્લોકસુતો મનુઃ ।
તત્સુતા ભૂરિષેણાદ્યા હવિષ્મત્ પ્રમુખા દ્વિજાઃ

હવિષ્માન્ સુકૃતઃ સત્યો જયો મૂર્તિસ્તદા દ્વિજાઃ ।
સુવાસનવિરુદ્ધાદ્યા દેવાઃ શમ્ભુઃ સુરેશ્વરઃ

વિષ્વક્સેનો વિષૂચ્યાં તુ શમ્ભોઃ સખ્યં કરિષ્યતિ ।
જાતઃ સ્વાંશેન ભગવાન્ ગૃહે વિશ્વસૃજો વિભુઃ

મનુર્વૈ ધર્મસાવર્ણિરેકાદશમ આત્મવાન્ ।
અનાગતાસ્તત્સુતાશ્ચ સત્યધર્માદયો દશ

વિહઙ્ગમાઃ કામગમા નિર્વાણરુચયઃ સુરાઃ ।
ઇન્દ્રશ્ચ વૈધૃતસ્તેષામૃષયશ્ચારુણાદયઃ

આર્યકસ્ય સુતસ્તત્ર ધર્મસેતુરિતિ સ્મૃતઃ ।
વૈધૃતાયાં હરેરંશસ્ત્રિલોકીં ધારયિષ્યતિ

ભવિતા રુદ્રસાવર્ણી રાજન્ દ્વાદશમો મનુઃ ।
દેવવાન્ ઉપદેવશ્ચ દેવશ્રેષ્ઠાદયઃ સુતાઃ

ઋતધામા ચ તત્રેન્દ્રો દેવાશ્ચ હરિતાદયઃ ।
ઋષયશ્ચ તપોમૂર્તિસ્તપસ્વ્ય્ આગ્નીધ્રકાદયઃ

સ્વધામાખ્યો હરેરંશઃ સાધયિષ્યતિ તન્મનોઃ ।
અન્તરં સત્યસહસઃ સુનૃતાયાઃ સુતો વિભુઃ

મનુસ્ત્રયોદશો ભાવ્યો દેવસાવર્ણિરાત્મવાન્ ।
ચિત્રસેનવિચિત્રાદ્યા દેવસાવર્ણિદેહજાઃ

દેવાઃ સુકર્મસુત્રામ સંજ્ઞા ઇન્દ્રો દિવસ્પતિઃ ।
નિર્મોકતત્ત્વદર્શાદ્યા ભવિષ્યન્ત્ય્ ઋષયસ્તદા

દેવહોત્રસ્ય તનય ઉપહર્તા દિવસ્પતેઃ ।
યોગેશ્વરો હરેરંશો બૃહત્યાં સમ્ભવિષ્યતિ

મનુર્વા ઇન્દ્રસાવર્ણિશ્ચતુર્દશમ એષ્યતિ ।
ઉરુગમ્ભીરબુધાદ્યા ઇન્દ્રસાવર્ણિવીર્યજાઃ

પવિત્રાશ્ચાક્ષુષા દેવાઃ શુચિરિન્દ્રો ભવિષ્યતિ ।
અગ્નિર્બાહુઃ શુચિઃ શુદ્ધો માગધાદ્યાસ્તપસ્વિનઃ

સત્રાયણસ્ય તનયો બૃહદ્ભાનુસ્તદા હરિઃ ।
વિતાનાયાં મહારાજ ક્રિયાતન્તૂન્ વિતાયિતા

રાજંશ્ચતુર્દશૈતાનિ ત્રિકાલાનુગતાનિ તે ।
પ્રોક્તાન્ય્ એભિર્મિતઃ કલ્પો યુગસાહસ્રપર્યયઃ