ભાગવત પુરાણ · અધ્યાય 05.23

_*
ભ્પ્_05.23.001।0 શ્રી-શુક ઉવાચ
અથ તસ્માત્ પરતસ્ ત્રયોદશ-લક્ષ-યોજનાન્તરતો યત્ તદ્ વિષ્ણોઃ પરમં પદમ્ અભિવદન્તિ યત્ર હ મહા-ભાગવતો ધ્રુવ ઔત્તાનપાદિર્ અગ્નિનેન્દ્રેણ પ્રજાપતિના કશ્યપેન ધર્મેણ ચ સમકાલ-યુગ્ભિઃ સબહુ-માનં દક્ષિણતઃ ક્રિયમાણ ઇદાનીમ્ અપિ કલ્પ-જીવિનામ્ આજીવ્ય ઉપાસ્તે તસ્યેહાનુભાવ ઉપવર્ણિતઃ

_*
સ હિ સર્વેષાં જ્યોતિર્-ગણાનાં ગ્રહ-નક્ષત્રાદીનામ્ અનિમિષેણાવ્યક્ત-રંહસા ભગવતા કાલેન ભ્રામ્યમાણાનાં સ્થાણુર્ ઇવાવષ્ટમ્ભ ઈશ્વરેણ વિહિતઃ શશ્વદ્ અવભાસતે

_*
યથા મેઢીસ્તમ્ભ આક્રમણ-પશવઃ સંયોજિતાસ્ ત્રિભિસ્ ત્રિભિઃ સવનૈર્ યથા-સ્થાનં મણ્ડલાનિ ચરન્ત્ય્ એવં ભગણા ગ્રહાદય એતસ્મિન્ન્ અન્તર્-બહિર્-યોગેન કાલ-ચક્ર આયોજિતા ધ્રુવમ્ એવાવલમ્બ્ય વાયુનોદીર્યમાણા આકલ્પાન્તં પરિચઙ્ ક્રમન્તિ નભસિ યથા મેઘાઃ શ્યેનાદયો વાયુ-વશાઃ કર્મ-સારથયઃ પરિવર્તન્તે એવં જ્યોતિર્ગણાઃ પ્રકૃતિ-પુરુષ-સંયોગાનુગૃહીતાઃ કર્મ-નિર્મિત-ગતયો ભુવિ ન પતન્તિ

_*
કેચનૈતજ્ જ્યોતિર્-અનીકં શિશુમાર-સંસ્થાનેન ભગવતો વાસુદેવસ્ય યોગ-ધારણાયામ્ અનુવર્ણયન્તિ

_*
યસ્ય પુચ્છાગ્રે ઽવાક્શિરસઃ કુણ્ડલી-ભૂત-દેહસ્ય ધ્રુવ ઉપકલ્પિતસ્ તસ્ય લાઙ્ગૂલે પ્રજાપતિર્ અગ્નિર્ ઇન્દ્રો ધર્મ ઇતિ પુચ્છ-મૂલે ધાતા વિધાતા ચ કટ્યાં સપ્તર્ષયઃ તસ્ય દક્ષિણાવર્ત-કુણ્ડલી-ભૂત-શરીરસ્ય યાન્ય્ ઉદગયનાનિ દક્ષિણ-પાર્શ્વે તુ નક્ષત્રાણ્ય્ ઉપકલ્પયન્તિ દક્ષિણાયનાનિ તુ સવ્યે યથા શિશુમારસ્ય કુણ્ડલા-ભોગ-સન્નિવેશસ્ય પાર્શ્વયોર્ ઉભયોર્ અપ્ય્ અવયવાઃ સમસઙ્ખ્યા ભવન્તિ પૃષ્ઠે ત્વ્ અજવીથી આકાશ-ગઙ્ગા ચોદરતઃ

_*
પુનર્વસુ-પુષ્યૌ દક્ષિણ-વામયોઃ શ્રોણ્યોર્ આર્દ્રાશ્લેષે ચ દક્ષિણ-વામયોઃ પશ્ચિમયોઃ પાદયોર્ અભિજિદ્-ઉત્તરાષાઢે દક્ષિણ-વામયોર્ નાસિકયોર્ યથા-સઙ્ખ્યં શ્રવણ-પૂર્વાષાઢે દક્ષિણ-વામયોર્ લોચનયોર્ ધનિષ્ઠા મૂલં ચ દક્ષિણ-વામયોઃ કર્ણયોર્ મઘાદીન્ય્ અષ્ટ નક્ષત્રાણિ દક્ષિણાયનાનિ વામ-પાર્શ્વ-વઙ્ક્રિષુ યુઞ્જીત તથૈવ મૃગ-શીર્ષાદીન્ય્ ઉદગયનાનિ દક્ષિણ-પાર્શ્વ-વઙ્ક્રિષુ પ્રાતિલોમ્યેન પ્રયુઞ્જીત શતભિષા-જ્યેષ્ઠે સ્કન્ધયોર્ દક્ષિણ-વામયોર્ ન્યસેત્

_*
ઉત્તરા-હનાવ્ અગસ્તિર્ અધરા-હનૌ યમો મુખેષુ ચાઙ્ગારકઃ શનૈશ્ચર ઉપસ્થે બૃહસ્પતિઃ કકુદિ વક્ષસ્ય્ આદિત્યો હૃદયે નારાયણો મનસિ ચન્દ્રો નાભ્યામ્ ઉશના સ્તનયોર્ અશ્વિનૌ બુધઃ પ્રાણાપાનયો રાહુર્ ગલે કેતવઃ સર્વાઙ્ગેષુ રોમસુ સર્વે તારા-ગણાઃ

_*
એતદ્ ઉ હૈવ ભગવતો વિષ્ણોઃ સર્વ-દેવતામયં રૂપમ્ અહરહઃ સન્ધ્યાયાં પ્રયતો વાગ્યતો નિરીક્ષમાણ ઉપતિષ્ઠેત નમો જ્યોતિર્-લોકાય કાલાયનાયાનિમિષાં પતયે મહા-પુરુષાયાભિધીમહીતિ

_*
ગ્રહર્ક્ષતારામયમ્ આધિદૈવિકં પાપાપહં મન્ત્ર-કૃતાં ત્રિ-કાલમ્ ।
નમસ્યતઃ સ્મરતો વા ત્રિ-કાલં નશ્યેત તત્-કાલજમ્ આશુ પાપમ્