ભાગવત પુરાણ · અધ્યાય 05.07

_*
રાજન્ પતિર્ ગુરુર્ અલં ભવતાં યદૂનાં $ દૈવં પ્રિયઃ કુલ-પતિઃ ક્વ ચ કિઙ્કરો વઃ &
રાજન્ પતિર્ ગુરુર્ અલં ભવતાં યદૂનાં $ દૈવં પ્રિયઃ કુલ-પતિઃ ક્વ ચ કિઙ્કરો વઃ &
અસ્ત્વ્ એવમ્ અઙ્ગ ભગવાન્ ભજતાં મુકુન્દો % મુક્તિં દદાતિ કર્હિચિત્ સ્મ ન ભક્તિ-યોગમ્ ॥ ભ્પ્_05.06.018* ॥
નિત્યાનુભૂત-નિજ-લાભ-નિવૃત્ત-તૃષ્ણઃ $ શ્રેયસ્ય્ અતદ્-રચનયા ચિર-સુપ્ત-બુદ્ધેઃ &
નિત્યાનુભૂત-નિજ-લાભ-નિવૃત્ત-તૃષ્ણઃ $ શ્રેયસ્ય્ અતદ્-રચનયા ચિર-સુપ્ત-બુદ્ધેઃ &
લોકસ્ય યઃ કરુણયાભયમ્ આત્મ-લોકમ્ % આખ્યાન્ નમો ભગવતે ઋષભાય તસ્મૈ ॥ ભ્પ્_05.06.019*
0 શ્રી-શુક ઉવાચ
ભરતસ્ તુ મહા-ભાગવતો યદા ભગવતાવનિ-તલ-પરિપાલનાય સઞ્ચિન્તિતસ્ તદ્-અનુશાસન-પરઃ પઞ્ચજનીં વિશ્વરૂપ-દુહિતરમ્ ઉપયેમે

_*
તસ્યામ્ ઉ હ વા આત્મજાન્ કાર્ત્સ્ન્યેનાનુરૂપાન્ આત્મનઃ પઞ્ચ જનયામ્ આસ ભૂતાદિર્ ઇવ ભૂત-સૂક્ષ્માણિ સુમતિં રાષ્ટ્રભૃતં સુદર્શનમ્ આવરણં ધૂમ્રકેતુમ્ ઇતિ

_*
અજનાભં નામૈતદ્ વર્ષં ભારતમ્ ઇતિ યત આરભ્ય વ્યપદિશન્તિ

_*
સ બહુવિન્ મહી-પતિઃ પિતૃ-પિતામહવદ્ ઉરુ-વત્સલતયા સ્વે સ્વે કર્મણિ વર્તમાનાઃ પ્રજાઃ સ્વ-ધર્મમ્ અનુવર્તમાનઃ પર્યપાલયત્

_*
ઈજે ચ ભગવન્તં યજ્ઞ-ક્રતુ-રૂપં ક્રતુભિર્ ઉચ્ચાવચૈઃ શ્રદ્ધયાહૃતાગ્નિહોત્ર-દર્શ-પૂર્ણમાસ-ચાતુર્માસ્ય-પશુ-સોમાનાં પ્રકૃતિ-વિકૃતિભિર્ અનુસવનં ચાતુર્હોત્ર-વિધિના

_*
સમ્પ્રચરત્સુ નાના-યાગેષુ વિરચિતાઙ્ગ-ક્રિયેષ્વ્ અપૂર્વં યત્ તત્ ક્રિયા-ફલં ધર્માખ્યં પરે બ્રહ્મણિ યજ્ઞ-પુરુષે સર્વ-દેવતા-લિઙ્ગાનાં મન્ત્રાણામ્ અર્થ-નિયામ-કતયા સાક્ષાત્-કર્તરિ પર-દેવતાયાં ભગવતિ વાસુદેવ એવ ભાવયમાન આત્મ-નૈપુણ્ય-મૃદિત-કષાયો હવિઃષ્વ્ અધ્વર્યુભિર્ ગૃહ્યમાણેષુ સ યજમાનો યજ્ઞ-ભાજો દેવાંસ્ તાન્ પુરુષાવયવેષ્વ્ અભ્યધ્યાયત્

_*
એવં કર્મ-વિશુદ્ધ્યા વિશુદ્ધ-સત્ત્વસ્યાન્તર્-હૃદયાકાશ-શરીરે બ્રહ્મણિ ભગવતિ વાસુદેવે મહા-પુરુષ-રૂપોપલક્ષણે શ્રીવત્સ-કૌસ્તુભ-વન-માલારિ-દર-ગદાદિભિર્ ઉપલક્ષિતે નિજ-પુરુષ-હૃલ્-લિખિતેનાત્મનિ પુરુષ-રૂપેણ વિરોચમાન ઉચ્ચૈસ્તરાં ભક્તિર્ અનુદિનમ્ એધમાન-રયાજાયત

_*
એવં વર્ષાયુત-સહસ્ર-પર્યન્તાવસિત-કર્મ-નિર્વાણાવસરો ઽધિભુજ્યમાનં સ્વ-તનયેભ્યો રિક્થં પિતૃ-પૈતામહં યથા-દાયં વિભજ્ય સ્વયં સકલ-સમ્પન્-નિકેતાત્ સ્વ-નિકેતાત્ પુલહાશ્રમં પ્રવવ્રાજ

_*
યત્ર હ વાવ ભગવાન્ હરિર્ અદ્યાપિ તત્રત્યાનાં નિજ-જનાનાં વાત્સલ્યેન સન્નિધાપ્યત ઇચ્છા-રૂપેણ

_*
યત્રાશ્રમ-પદાન્ય્ ઉભયતો નાભિભિર્ દૃષચ્-ચક્રૈશ્ ચક્ર-નદી નામ સરિત્-પ્રવરા સર્વતઃ પવિત્રી-કરોતિ

_*
તસ્મિન્ વાવ કિલ સ એકલઃ પુલહાશ્રમોપવને વિવિધ-કુસુમ-કિસલય-તુલસિકામ્બુભિઃ કન્દ-મૂલ-ફલોપહારૈશ્ ચ સમીહમાનો ભગવત આરાધનં વિવિક્ત ઉપરત-વિષયાભિલાષ ઉપભૃતોપશમઃ પરાં નિર્વૃતિમ્ અવાપ

_*
તયેત્થમ્ અવિરત-પુરુષ-પરિચર્યયા ભગવતિ પ્રવર્ધમાના-નુરાગ-ભર-દ્રુત-હૃદય-શૈથિલ્યઃ પ્રહર્ષ-વેગેનાત્મન્ય્ ઉદ્ભિદ્યમાન-રોમ-પુલક-કુલક ઔત્કણ્ઠ્ય-પ્રવૃત્ત-પ્રણય-બાષ્પ-નિરુદ્ધાવલોક-નયન એવં નિજ-રમણારુણ-ચરણારવિન્દાનુધ્યાન-પરિચિત-ભક્તિ-યોગેન પરિપ્લુત-પરમાહ્લાદ-ગમ્ભીર-હૃદય-હ્રદાવગાઢ-ધિષણસ્ તામ્ અપિ ક્રિયમાણાં ભગવત્-સપર્યાં ન સસ્માર

_*
ઇત્થં ધૃત-ભગવદ્-વ્રત ઐણેયાજિન-વાસસાનુસવનાભિષેકાર્દ્ર-કપિશ-કુટિલ-જટા-કલાપેન ચ વિરોચમાનઃ સૂર્યર્ચા ભગવન્તં હિરણ્મયં પુરુષમ્ ઉજ્જિહાને સૂર્ય-મણ્ડલે ઽભ્યુપતિષ્ઠન્ન્ એતદ્ ઉ હોવાચ

_*
પરો-રજઃ સવિતુર્ જાત-વેદો દેવસ્ય ભર્ગો મનસેદં જજાન ।
સુરેતસાદઃ પુનર્ આવિશ્ય ચષ્ટે હંસં ગૃધ્રાણં નૃષદ્-રિઙ્ગિરામ્ ઇમઃ