ભાગવત પુરાણ · અધ્યાય 05.06

_*
ભ્પ્_05.06.001।0 રાજોવાચ
ન નૂનં ભગવ આત્મારામાણાં યોગ-સમીરિત-જ્ઞાનાવભર્જિત-કર્મ-બીજાનામ્ ઐશ્વર્યાણિ પુનઃ ક્લેશદાનિ ભવિતુમ્ અર્હન્તિ યદૃચ્-છયોપગતાનિ

_*
ભ્પ્_05.06.002।0 ઋષિર્ ઉવાચ
સત્યમ્ ઉક્તં કિન્ત્વ્ ઇહ વા એકે ન મનસો ઽદ્ધા વિશ્રમ્ભમ્ અનવસ્થાનસ્ય શઠ-કિરાત ઇવ સઙ્ગચ્છન્તે

_*
ભ્પ્_05.06.003।0 તથા ચોક્તમ્
ન કુર્યાત્ કર્હિચિત્ સખ્યં મનસિ હ્ય્ અનવસ્થિતે ।
યદ્-વિશ્રમ્ભાચ્ ચિરાચ્ ચીર્ણં ચસ્કન્દ તપ ઐશ્વરમ્

નિત્યં દદાતિ કામસ્ય ચ્છિદ્રં તમ્ અનુ યે ઽરયઃ ।
યોગિનઃ કૃત-મૈત્રસ્ય પત્યુર્ જાયેવ પુંશ્ચલી

કામો મન્યુર્ મદો લોભઃ શોક-મોહ-ભયાદયઃ ।
કર્મ-બન્ધશ્ ચ યન્-મૂલઃ સ્વીકુર્યાત્ કો નુ તદ્ બુધઃ

અથૈવમ્ અખિલ-લોક-પાલ-લલામો ઽપિ વિલક્ષણૈર્ જડવદ્ અવધૂત-વેષ-ભાષા-ચરિતૈર્ અવિલક્ષિત-ભગવત્-પ્રભાવો યોગિનાં સામ્પરાય-વિધિમ્ અનુશિક્ષયન્ સ્વ-કલેવરં જિહાસુર્ આત્મન્ય્ આત્માનમ્ અસંવ્યવહિતમ્ અનર્થાન્તર-ભાવેનાન્વીક્ષમાણ ઉપરતાનુવૃત્તિર્ ઉપરરામ

_*
તસ્ય હ વા એવં મુક્ત-લિઙ્ગસ્ય ભગવત ઋષભસ્ય યોગમાયા-વાસનયા દેહ ઇમાં જગતીમ્ અભિમાનાભાસેન સઙ્ક્રમમાણઃ કોઙ્ક-વેઙ્ક-કુટકાન્ દક્ષિણ-કર્ણાટકાન્ દેશાન્ યદૃચ્છયોપગતઃ કુટકાચલોપવન આસ્ય કૃતાશ્મ-કવલ ઉન્માદ ઇવ મુક્ત-મૂર્ધજો ઽસંવીત એવ વિચચાર

_*
અથ સમીર-વેગ-વિધૂત-વેણુ-વિકર્ષણ-જાતોગ્ર-દાવાનલસ્ તદ્ વનમ્ આલેલિહાનઃ સહ તેન દદાહ

_*
યસ્ય કિલાનુચરિતમ્ ઉપાકર્ણ્ય કોઙ્ક-વેઙ્ક-કુટકાનાં રાજાર્હન્-નામોપશિક્ષ્ય કલાવ્ અધર્મ ઉત્કૃષ્યમાણે ભવિતવ્યેન વિમોહિતઃ સ્વ-ધર્મ-પથમ્ અકુતો-ભયમ્ અપહાય કુપથ-પાખણ્ડમ્ અસમઞ્જસં નિજ-મનીષયા મન્દઃ સમ્પ્રવર્તયિષ્યતે

_*
યેન હ વાવ કલૌ મનુજાપસદા દેવ-માયા-મોહિતાઃ સ્વ-વિધિ-નિયોગ-શૌચ-ચારિત્ર-વિહીના દેવ-હેલનાન્ય્ અપવ્રતાનિ નિજ-નિજેચ્છયા ગૃહ્ણાના અસ્નાનાનાચમનાશૌચ-કેશોલ્લુઞ્ચનાદીનિ કલિનાધર્મ-બહુલેનોપહત-ધિયો બ્રહ્મ-બ્રાહ્મણ-યજ્ઞ-પુરુષ-લોક-વિદૂષકાઃ પ્રાયેણ ભવિષ્યન્તિ

_*
તે ચ હ્ય્ અર્વાક્તનયા નિજ-લોક-યાત્રયાન્ધ-પરમ્પરયાશ્વસ્તાસ્ તમસ્ય્ અન્ધે સ્વયમ્ એવ પ્રપતિષ્યન્તિ

_*
અયમ્ અવતારો રજસોપપ્લુત-કૈવલ્યોપશિક્ષણાર્થઃ

_*
ભ્પ્_05.06.013।0 તસ્યાનુગુણાન્ શ્લોકાન્ ગાયન્તિ----
અહો ભુવઃ સપ્ત-સમુદ્રવત્યા દ્વીપેષુ વર્ષેષ્વ્ અધિપુણ્યમ્ એતત્ ।
ગાયન્તિ યત્રત્ય-જના મુરારેઃ કર્માણિ ભદ્રાણ્ય્ અવતારવન્તિ

અહો નુ વંશો યશસાવદાતઃ પ્રૈયવ્રતો યત્ર પુમાન્ પુરાણઃ ।
કૃતાવતારઃ પુરુષઃ સ આદ્યશ્ ચચાર ધર્મં યદ્ અકર્મ-હેતુમ્

કો ન્વ્ અસ્ય કાષ્ઠામ્ અપરો ઽનુગચ્છેન્ મનો-રથેનાપ્ય્ અભવસ્ય યોગી ।
યો યોગ-માયાઃ સ્પૃહયત્ય્ ઉદસ્તા હ્ય્ અસત્તયા યેન કૃત-પ્રયત્નાઃ

ઇતિ હ સ્મ સકલ-વેદ-લોક-દેવ-બ્રાહ્મણ-ગવાં પરમ-ગુરોર્ ભગવત ઋષભાખ્યસ્ય વિશુદ્ધાચરિતમ્ ઈરિતં પુંસાં સમસ્ત-દુશ્ચરિતાભિહરણં પરમ-મહા-મઙ્ગલાયનમ્ ઇદમ્ અનુશ્રદ્ધયોપચિતયાનુશૃણોત્ય્ આશ્રાવયતિ વાવહિતો ભગવતિ તસ્મિન્ વાસુદેવ એકાન્તતો ભક્તિર્ અનયોર્ અપિ સમનુવર્તતે

_*
યસ્યામ્ એવ કવય આત્માનમ્ અવિરતં વિવિધ-વૃજિન-સંસાર-પરિતાપોપતપ્યમાનમ્ અનુસવનં સ્નાપયન્તસ્ તયૈવ પરયા નિર્વૃત્યા હ્ય્ અપવર્ગમ્ આત્યન્તિકં પરમ-પુરુષાર્થમ્ અપિ સ્વયમ્ આસાદિતં નો એવાદ્રિયન્તે ભગવદીયત્વેનૈવ પરિસમાપ્ત-સર્વાર્થાઃ