ભાગવત પુરાણ · અધ્યાય 03.31

ભ્પ્_03.30.001।0 શ્રી-ભગવાન્ ઉવાચ
કર્મણા દૈવ-નેત્રેણ જન્તુર્ દેહોપપત્તયે ।
સ્ત્રિયાઃ પ્રવિષ્ટ ઉદરં પુંસો રેતઃ-કણાશ્રયઃ

કલલં ત્વ્ એક-રાત્રેણ પઞ્ચ-રાત્રેણ બુદ્બુદમ્ ।
દશાહેન તુ કર્કન્ધૂઃ પેશ્ય્ અણ્ડં વા તતઃ પરમ્

માસેન તુ શિરો દ્વાભ્યાં બાહ્વ્-અઙ્ઘ્ર્ય્-આદ્ય્-અઙ્ગ-વિગ્રહઃ ।
નખ-લોમાસ્થિ-ચર્માણિ લિઙ્ગ-ચ્છિદ્રોદ્ભવસ્ ત્રિભિઃ

ચતુર્ભિર્ ધાતવઃ સપ્ત પઞ્ચભિઃ ક્ષુત્-તૃડ્-ઉદ્ભવઃ ।
ષડ્ભિર્ જરાયુણા વીતઃ કુક્ષૌ ભ્રામ્યતિ દક્ષિણે

માતુર્ જગ્ધાન્ન-પાનાદ્યૈર્ એધદ્-ધાતુર્ અસમ્મતે ।
શેતે વિણ્-મૂત્રયોર્ ગર્તે સ જન્તુર્ જન્તુ-સમ્ભવે

કૃમિભિઃ ક્ષત-સર્વાઙ્ગઃ સૌકુમાર્યાત્ પ્રતિક્ષણમ્ ।
મૂર્ચ્છામ્ આપ્નોત્ય્ ઉરુ-ક્લેશસ્ તત્રત્યૈઃ ક્ષુધિતૈર્ મુહુઃ

કટુ-તીક્ષ્ણોષ્ણ-લવણ- રૂક્ષામ્લાદિભિર્ ઉલ્બણૈઃ ।
માતૃ-ભુક્તૈર્ ઉપસ્પૃષ્ટઃ સર્વાઙ્ગોત્થિત-વેદનઃ

ઉલ્બેન સંવૃતસ્ તસ્મિન્ન્ અન્ત્રૈશ્ ચ બહિર્ આવૃતઃ ।
આસ્તે કૃત્વા શિરઃ કુક્ષૌ ભુગ્ન-પૃષ્ઠ-શિરોધરઃ

અકલ્પઃ સ્વાઙ્ગ-ચેષ્ટાયાં શકુન્ત ઇવ પઞ્જરે ।
તત્ર લબ્ધ-સ્મૃતિર્ દૈવાત્ કર્મ જન્મ-શતોદ્ભવમ્ ।
સ્મરન્ દીર્ઘમ્ અનુચ્છ્વાસં શર્મ કિં નામ વિન્દતે

આરભ્ય સપ્તમાન્ માસાલ્ લબ્ધ-બોધો ઽપિ વેપિતઃ ।
નૈકત્રાસ્તે સૂતિ-વાતૈર્ વિષ્ઠા-ભૂર્ ઇવ સોદરઃ

નાથમાન ઋષિર્ ભીતઃ સપ્ત-વધ્રિઃ કૃતાઞ્જલિઃ ।
સ્તુવીત તં વિક્લવયા વાચા યેનોદરે ઽર્પિતઃ