ભગવદ્ગીતા · અધ્યાય 83

વિશ્વનાથઃ :
ઐશ્વરં જ્ઞાપયિત્વોચે ભક્તિં યત્ સપ્તમાદિષુ ।
સ-રહસ્યં તદ્ એવોક્તં દશમે સ-વિભૂતિકમ્ ॥
આરાધ્યત્વ-જ્ઞાન-કારણમ્ ઐશ્વર્યં યદ્ એવ પૂર્વત્ર સપ્તમાદિષૂક્તમ્ । તદ્ એવ સ-વિશેષં ભક્તિ-મતામ્ આનન્દાર્થં પ્રપઞ્ચયિષ્યન્ પરોક્ષ-વાદા ઋષયઃ પરોક્ષં ચ મમ પ્રિયમ્ [ભ્પ્ 11.21.35] ઇતિ ન્યાયેન કિઞ્ચિદ્ દુર્બોધતયૈવાહ ભૂય ઇતિ । પુનર્ અપિ રાજ-વિદ્યા-રાજ-ગુહ્યમ્ ઇદમ્ ઉચ્યતે ઇત્ય્ અર્થઃ । હે મહાબાહો ! ઇતિ યથા બાહુ-બલઃ સર્વાધિક્યેન ત્વયા પ્રકાશિતં, તથૈવૈતદ્ બુદ્ધ્યા બુદ્ધિ-બલમ્ અપિ સવાર્ધિક્યેન પ્રકાશયિતવ્યમ્ ઇતિ ભાવઃ । શૃણ્વ્ ઇતિ શૃણ્વન્તમ્ અપિ તં વક્ષ્યમાણે ઽર્થે સમ્યગ્ અવધારણાર્થમ્ । પરમં પૂર્વોક્તાદ્ અપ્ય્ ઉત્કૃષ્ટમ્ । તે ત્વામ્ અતિવિસ્મિતીકર્તું ક્રિયાર્થોપપદસ્ય ચ [પાણ્ 2.3.14] ઇતિ ચતુર્થી
। યતઃ પ્રીયમાણાય પ્રેમવતે