ભગવદ્ગીતા · અધ્યાય 82

મધુસૂદનઃ : એવં સપ્તમાષ્ટમ-નવમૈસ્ તત્-પદાર્થસ્ય ભગવતસ્ તત્ત્વં સોપાધિકં નિરુપાધિકં ચ દર્શિતમ્ । તસ્ય ચ વિભૂતયઃ સોપાધિકસ્ય ધ્યાને નિરુપાધિકસ્ય જ્ઞાને ચોપાય-ભૂતા રસો ઽહમ્ અપ્સુ કૌન્તેય [ગીતા 7.8] ઇત્ય્ આદિના સપ્તમે, અહં ક્રતુર્ અહં યજ્ઞ [ગીતા 9.16] ઇત્ય્ આદિના નવમે ચ સઙ્ક્ષેપેણોક્તાઃ । અથેદાનીં તાસાં વિસ્તરો વક્તવ્યો ભગવતો ધ્યાનાય તત્ત્વમ્ અપિ દુર્વિજ્ણિયત્વાત્ પુનસ્ તસ્ય વક્તવ્યં જ્ઞાનાયેતિ દશમો ઽધ્યાય આરભ્યતે । તત્ર પ્રથમમ્ અર્જુનં પ્રોત્સાહયિતુમ્ ભૂય એવેતિ । ભૂય એવ પુનર્ અપિ હે મહાબાહો શૃણુ મે મમ પરમં પ્રકૃષ્ટં વચઃ । યત્ તે તુભ્યં પ્રીયમાણાય મદ્-વચનાદ્
અમૃત-પાનાદ્ ઇવ પ્રીતમ્ અનુભવતે વક્ષ્યામ્ય્ અહં પરમાપ્તસ્ તવ હિત-કામ્યયેષ્ટ-પ્રાપ્તીચ્છયા