ભગવદ્ગીતા · અધ્યાય 81

શ્રીધરઃ :
ઉક્તાઃ સઙ્ક્ષેપતઃ પૂર્વં સપ્તમાદૌ વિભૂતયઃ ।
દશમે તા વિતન્યન્તે સર્વત્રેશ્વર-દૃષ્ટયે ॥
એવં તાવત્ સપ્તમાદિભિર્ અધ્યાયૈર્ ભજનીયં પરમેશ્વર-તત્ત્વં નિરૂપિતમ્ । તદ્-વિભૂતયશ્ ચ સપ્તમે રસો ઽહમ્ અપ્સુ કૌન્તેય [ગીતા 7.8] ઇત્ય્ આદિના સઙ્ક્ષેપતો દર્શિતાઃ । અષ્ટમે ચ અધિયજ્ઞો ઽહમ્ એવાત્ર [ગીતા 8.4] ઇત્ય્ આદિના । નવમે ચ અહં ક્રતુર્ અહં યજ્ઞ [ગીતા 9.16] ઇત્ય્ આદિના । ઇદાનીં તા એવ વિભૂતીઃ પ્રપઞ્ચયિષ્યન્ સ્વ-ભક્તેશ્ ચાવશ્ય-કરણીયત્વં વર્ણયિષ્યન્ ભગવાન્ ઉવાચ ભૂય એવેતિ । મહાન્તૌ યુદ્ધાદિ-સ્વધર્માનુષ્ઠાને મહત્-પરિચર્યાયાં વા કુશલૌ બાહૂ યસ્ય તથા હે મહાબાહો ! ભૂય એવ પુનર્ અપિ મે વચઃ શૃણુ । કથમ્ભૂતમ્ ? પરમં પરમાત્મ-નિષ્ઠમ્ । મદ્-વચનામૃતેનૈવ પ્રીતિં પ્રાપુન્વતે તે તુભ્યં
હિત-કામ્યયા હિતેચ્છયા યદ્ અહં વક્ષ્યામિ