ભગવદ્ગીતા · અધ્યાય 39

શ્રીધરઃ :
નિવાર્ય સંશયં જિષ્ણોઃ કર્મ-સંન્યાસ-યોગયોઃ ।
જિતેન્દ્રિયસ્ય ચ યતેઃ પઞ્ચમે મુક્તિમ્ અબ્રવીત્ ॥
અજ્ઞાન-સમ્ભૂતં સંશયં જ્ઞાનાસિના છિત્ત્વા કર્મ-યોગમ્ આતિષ્ઠ ઇત્ય્ ઉક્તમ્ । તત્ર પૂર્વાપર-વિરોધં મન્વાનો ઽર્જુન ઉવાચ સંન્યાસમ્ ઇતિ । યસ્ ત્વ્ આત્મ-રતિર્ એવ સ્યાદ્ ઇત્ય્ આદિના સર્વં કર્માખિલં પાર્થ ઇત્ય્ આદિના ચ કર્મ-સંન્યાસં કથયસિ । જ્ઞાનાસિના સંશયં છિત્ત્વા યોગમ્ આતિષ્ઠ ઇતિ પુનર્ યોગં ચ કથયસિ । ન ચ કર્મ-સંન્યાસઃ કર્મ-યોગશ્ ચ એકસ્યૈવ એકદૈવ સમ્ભવતઃ વિરુદ્ધ-સ્વરૂપત્વાત્ । તસ્માદ્ એતયોર્ મધ્ય એકસ્મિન્ન્ અનુષ્ઠાતવ્યે સતિ મમ યચ્ છ્રેયઃ સુનિશ્ચિતમ્ તદ્ એકં બ્રૂહિ