ભગવદ્ગીતા · અધ્યાય 31

શ્રીધરઃ :
આવિર્ભાવ-તિરોભાવાવ્ આવિષ્કર્તું સ્વયં હરિઃ ।
તત્ત્વં પદ-વિવેકાર્થં કર્મ-યોગં પ્રશંસતિ ॥
એવં તાવદ્ અધ્યાય-દ્વયેન કર્મ-યોગોપાયક-જ્ઞાન-યોગો મોક્ષ-સાધનત્વેનોક્તઃ । તદ્ એવં બ્રહ્માર્પણાદિ-ગુણ-વિધાનેન તત્ત્વં પદાર્થ-વિવેકાદિના ચ પ્રપઞ્ચિષ્યન્ પ્રથમં તાવત્ પરસ્પરાપ્રાપ્તત્વેન સ્તુવન્ ભગવાન્ ઉવાચ ઇમમ્ ઇતિ ત્રિભિઃ । અવ્યય-ફલત્વાદ્ અવ્યયમ્ । ઇમં યોગં પુરાહમ્ વિવસ્વત આદિત્યાય કથિતવાન્ । સ ચ સ્વ-પુત્રાય મનવે શ્રાદ્ધ-દેવાય । સ ચ મનુઃ સ્વ-પુત્રાયેક્ષ્વાકવે ઽબ્રવીત્