ભગવદ્ગીતા · અધ્યાય 24

વિશ્વનાથઃ :
નિષ્કામમ્ અર્પિતં કર્મ તૃતીયે તુ પ્રપઞ્ચ્યતે ।
કામ-ક્રોધ-જિગીષાયાં વિવેકો ઽપિ પ્રદર્શ્યતે ॥
પૂર્વ-વાક્યેષુ જ્ઞાન-યોગાન્ નિષ્કામ-કર્મ-યોગાચ્ ચ નિસ્ત્રૈગુણ્ય-પ્રાપકસ્ય ગુણાતીત-ભક્તિ-યોગસ્ય ઉત્કર્ષમ્ આકલય્ય તત્રૈવ સ્વૌત્સુક્યમ્ અભિવ્યઞ્જન્ સ્વ-ધર્મે સંગ્રામે પ્રવર્તકં ભગવન્તં સખ્ય-ભાવેનોપાલભતે । જ્યાયસી શ્રેષ્ઠા બુદ્ધિર્ વ્યવસાયાત્મિકા ગુણાતીતા ભક્તિર્ ઇત્ય્ અર્થઃ । ઘોરે યુદ્ધ-રૂપે કર્મણિ કિં નિયોજયસિ પ્રવર્તયસિ । હે જનાર્દન જનાન્ સ્વજનાન્ સ્વાજ્ઞયા પીડયસીત્ય્ અર્થઃ । ન ચ તવાજ્ઞા કેનાપિ અન્યથા કર્તું શક્યત ઇત્ય્ આહ । હે કેશવ કો બ્રહ્મા ઈશો મહાદેવઃ । તાવ્ અપિ વયસે વશીકરોષિ