ભગવદ્ગીતા · અધ્યાય 146

વિશ્વનાથ : પ્રથમં પ્રાચ્યં મતમ્ આશ્રિત્ય સન્ન્યાસ-ત્યાગ-શબ્દયોર્ ભિન્ન-જાતીયાર્થત્વમ્ આહ કામ્યાનામ્ ઇતિ । પુત્ર-કામો યજેત સ્વર્ગ-કામો યજેત ઇત્ય્ એવં કામોપબન્ધેન વિહિતાનાં કામ્યાનાં કર્મણાં ન્યાસં સ્વરૂપેણૈવ ત્યાગં સન્ન્યાસં વિદુર્ ન તુ નિત્યાનામ્ અપિ સન્ધ્યોપાસ્તાદીનામ્ ઇતિ ભાવઃ । સર્વેષાં કામ્યાનાં નિત્યાનામ્ અપિ કર્મણાં ફલં કર્મણા પિતૃલોકઃ ઇતિ । ધર્મેણ પાપમ્ ઉપનુદતિ ઇત્ય્ આદ્યાઃ શ્રુતયઃ પ્રતિપાદયન્ત્ય્ એવ ઇત્ય્ અતસ્ ત્યાગે ફલાભિસન્ધિ-રહિતં સર્વ-કર્મ-કરણમ્ । સન્ન્યાસે તુ ફલાભિસન્ધિ-રહિતં નિત્ય-કર્મ-કરણમ્ । કામ્ય-કર્મણાં તુ સ્વરૂપેણૈવ ત્યાગ
ઇતિ ભેદો જ્ઞેયઃ