અથર્વવેદ · અધ્યાય 3.7

હરિણસ્ય રઘુષ્યદોઽધિ શીર્ષણિ ભેષજમ્ ।
સ ક્ષેત્રિયં વિષાણયા વિષૂચીનમનીનશત્

અનુ ત્વા હરિણો વૃષા પદ્ભિશ્ચતુર્ભિરક્રમીત્।
વિષાણે વિ ષ્ય ગુષ્પિતં યદસ્ય ક્ષેત્રિયં હૃદિ

અદો યદવરોચતે ચતુષ્પક્ષમિવ છદિઃ ।
તેના તે સર્વં ક્ષેત્રિયમઙ્ગેભ્યો નાશયામસિ

અમૂ યે દિવિ સુભગે વિચૃતૌ નામ તારકે ।
વિ ક્ષેત્રિયસ્ય મુઞ્ચતામધમં પાશમુત્તમમ્

આપ ઇદ્વા ઉ ભેષજીરાપો અમીવચાતનીઃ ।
આપો વિશ્વસ્ય ભેષજીસ્તાસ્ત્વા મુઞ્ચન્તુ ક્ષેત્રિયાત્

યદાસુતેઃ ક્રિયમાનાયાઃ ક્ષેત્રિયં ત્વા વ્યાનશે ।
વેદાહં તસ્ય ભેષજં ક્ષેત્રિયં નાશયામિ ત્વત્

અપવાસે નક્ષત્રાણામપવાસ ઉષસામુત ।
અપાસ્મત્સર્વં દુર્ભૂતમપ ક્ષેત્રિયમુચ્છતુ