Scripture Library
Atharva Veda · Chapter 3.7
3.7.1
hariṇasya raghuṣyado'dhi śīrṣaṇi bheṣajam /
sa kṣetriyaṃ viṣāṇayā viṣūcīnamanīnaśat
3.7.2
anu tvā hariṇo vṛṣā padbhiścaturbhirakramīt/
viṣāṇe vi ṣya guṣpitaṃ yadasya kṣetriyaṃ hṛdi
3.7.3
ado yadavarocate catuṣpakṣamiva chadiḥ /
tenā te sarvaṃ kṣetriyamaṅgebhyo nāśayāmasi
3.7.4
amū ye divi subhage vicṛtau nāma tārake /
vi kṣetriyasya muñcatāmadhamaṃ pāśamuttamam
3.7.5
āpa idvā u bheṣajīrāpo amīvacātanīḥ /
āpo viśvasya bheṣajīstāstvā muñcantu kṣetriyāt
3.7.6
yadāsuteḥ kriyamānāyāḥ kṣetriyaṃ tvā vyānaśe /
vedāhaṃ tasya bheṣajaṃ kṣetriyaṃ nāśayāmi tvat
3.7.7
apavāse nakṣatrāṇāmapavāsa uṣasāmuta /
apāsmatsarvaṃ durbhūtamapa kṣetriyamucchatu
Original text: atharvavedaḥ · Sanskrit Wikisource contributors · Sanskrit Wikisource · CC BY-SA 4.0