અથર્વવેદ · અધ્યાય 3.6

પુમાન્ પુંસઃ પરિજાતોઽશ્વત્થઃ ખદિરાદધિ ।
સ હન્તુ શત્રૂન્ મામકાન્ યાન્ અહં દ્વેષ્મિ યે ચ મામ્

તાન્ અશ્વત્થ નિઃ શૃણીહિ શત્રૂન્ વૈબાધદોધતઃ ।
ઇન્દ્રેણ વૃત્રઘ્ના મેદી મિત્રેણ વરુણેન ચ

યથાશ્વત્થ નિરભનોઽન્તર્મહત્યર્ણવે ।
એવા તાન્ત્સર્વાન્ નિર્ભઙ્ગ્ધિ યાન્ અહં દ્વેષ્મિ યે ચ મામ્

યઃ સહમાનશ્ચરસિ સાસહાન ઇવ ઋષભઃ ।
તેનાશ્વત્થ ત્વયા વયં સપત્નાન્ત્સહિષીમહિ

સિનાત્વેનાન્ નિરૃતિર્મૃત્યોઃ પાશૈરમોક્યૈઃ ।
અશ્વત્થ શત્રૂન્ મામકાન્ યાન્ અહં દ્વેષ્મિ યે ચ મામ્

યથાશ્વત્થ વાનસ્પત્યાન્ આરોહન્ કૃણુષેઽધરાન્ ।
એવા મે શત્રોર્મૂર્ધાનં વિષ્વગ્ભિન્દ્ધિ સહસ્વ ચ

તેઽધરાઞ્ચઃ પ્ર પ્લવન્તાં છિન્ના નૌરિવ બન્ધનાત્।
ન વૈબાધપ્રણુત્તાનાં પુનરસ્તિ નિવર્તનમ્

પ્રૈણાન્ નુદે મનસા પ્ર ચિત્તેનોત બ્રહ્મણા ।
પ્રૈણાન્ વૃક્ષસ્ય શાખયાશ્વત્થસ્ય નુદામહે