અથર્વવેદ · અધ્યાય 3.8

આ યાતુ મિત્ર ઋતુભિઃ કલ્પમાનઃ સંવેશયન્ પૃથિવીમુસ્રિયાભિઃ ।
અથાસ્મભ્યં વરુણો વાયુરગ્નિર્બૃહદ્રાષ્ટ્રં સંવેશ્યં દધાતુ

ધાતા રાતિઃ સવિતેદં જુષન્તામિન્દ્રસ્ત્વષ્ટા પ્રતિ હર્યન્તુ મે વચઃ ।
હુવે દેવીમદિતિં શૂરપુત્રાં સજાતાનાં મધ્યમેષ્ઠા યથાસાનિ

હુવે સોમં સવિતારં નમોભિર્વિશ્વાન્ આદિત્યામહમુત્તરત્વે ।
અયમગ્નિર્દીદાયદ્દીર્ઘમેવ સજાતૈરિદ્ધોઽપ્રતિબ્રુવદ્ભિઃ

ઇહેદસાથ ન પરો ગમાથેર્યો ગોપાઃ પુષ્ટપતિર્વ આજત્।
અસ્મૈ કામાયોપ કામિનીર્વિશ્વે વો દેવા ઉપસંયન્તુ

સં વો મનાંસિ સં વ્રતા સમાકૂતીર્નમામસિ ।
અમી યે વિવ્રતા સ્થન તાન્ વઃ સં નમયામસિ

અહં ગૃભ્ણામિ મનસા મનાંસિ મમ ચિત્તમનુ ચિત્તેભિરેત ।
મમ વશેષુ હૃદયાનિ વઃ કૃણોમિ મમ યાતમનુવર્ત્માન એત