અથર્વવેદ · અધ્યાય 15.3

સ સંવત્સરમૂર્ધ્વોઽતિષ્ઠત્તં દેવા અબ્રુવન્ વ્રાત્ય કિં નુ તિષ્ઠસીતિ

સોઽબ્રવીદાસન્દીં મે સં ભરન્ત્વિતિ

તસ્મૈ વ્રાત્યાયાસન્દીં સમભરન્

તસ્યા ગ્રીષ્મશ્ચ વસન્તશ્ચ દ્વૌ પાદાવાસ્તાં શરચ્ચ વર્ષાશ્ચ દ્વૌ

બૃહચ્ચ રથન્તરં ચાનૂચ્યે આસ્તાં યજ્ઞાયજ્ઞિયં ચ વામદેવ્યં ચ તિરશ્ચ્યે

ઋચઃ પ્રાઞ્ચસ્તન્તવો યજૂંષિ તિર્યઞ્ચઃ

વેદ આસ્તરણં બ્રહ્મોપબર્હણમ્

સામાસાદ ઉદ્ગીથોઽપશ્રયઃ

તામાસન્દીં વ્રાત્ય આરોહત્

તસ્ય દેવજનાઃ પરિષ્કન્દા આસન્ત્સંકલ્પાઃ પ્રહાય્યા વિશ્વાનિ ભૂતાન્યુપસદઃ

વિશ્વાન્યેવાસ્ય ભૂતાન્યુપસદો ભવન્તિ ય એવં વેદ