અથર્વવેદ · અધ્યાય 15.4

તસ્મૈ પ્રાચ્યા દિશઃ ।
વાસન્તૌ માસૌ ગોપ્તારાવકુર્વન્ બૃહચ્ચ રથન્તરં ચાનુષ્ઠાતારૌ ।
વાસન્તાવેનં માસૌ પ્રાચ્યા દિશો ગોપાયતો બૃહચ્ચ રથન્તરં ચાનુ તિષ્ઠતો ય એવં વેદ॥
તસ્મૈ દક્ષિણાયા દિશઃ ।
ગ્રૈષ્મૌ માસૌ ગોપ્તારાવકુર્વન્ યજ્ઞાયજ્ઞિયં ચ વામદેવ્યં ચાનુષ્ઠાતારૌ ।
ગ્રૈષ્માવેનં માસૌ દક્ષિણાયા દિશો ગોપાયતો યજ્ઞાયજ્ઞિયં ચ વામદેવ્યં ચાનુ તિષ્ઠતો ય એવં વેદ॥
તસ્મૈ પ્રતીચ્યા દિશઃ ।
વાર્ષિકૌ માસૌ ગોપ્તારાવકુર્વન્ વૈરૂપં ચ વૈરાજં ચાનુષ્ઠાતારૌ ।
વાર્ષિકાવેનં માસૌ પ્રતીચ્યા દિશો ગોપાયતો વૈરૂપં ચ વૈરાજં ચાનુ તિષ્ઠતો ય એવં વેદ॥
તસ્મા ઉદીચ્યા દિશઃ ।
શારદૌ માસૌ ગોપ્તારાવકુર્વં છ્યૈતં ચ નૌધસં ચાનુષ્ઠાતારૌ ।
શારદાવેનં માસાવુદીચ્યા દિશો ગોપાયતઃ શ્યૈતં ચ નૌધસં ચાનુ તિષ્ઠતો ય એવં વેદ॥
તસ્મૈ ધ્રુવાયા દિશઃ ।
હૈમનૌ માસૌ ગોપ્તારાવકુર્વન્ ભૂમિં ચાગ્નિં ચાનુષ્ઠાતારૌ ।
હૈમનાવેનં માસૌ ધ્રુવાયા દિશો ગોપાયતો ભૂમિશ્ચાગ્નિશ્ચાનુ તિષ્ઠતો ય એવં વેદ॥
તસ્મા ઊર્ધ્વાયા દિશઃ ।
શૈશિરૌ માસૌ ગોપ્તારાવકુર્વન્ દિવં ચાદિત્યં ચાનુષ્ઠાતારૌ ।
શૈશિરાવેનં માસાવૂર્ધ્વાયા દિશો ગોપાયતો દ્યૌશ્ચાદિત્યશ્ચાનુ તિષ્ઠતો ય એવં વેદ॥