અથર્વવેદ · અધ્યાય 15.2

સ ઉદતિષ્ઠત્સ પ્રાચીં દિશમનુ વ્યચલત્।
તં બૃહચ્ચ રથન્તરં ચાદિત્યાશ્ચ વિશ્વે ચ દેવા અનુવ્યચલન્ ।
બૃહતે ચ વૈ સ રથન્તરાય ચાદિત્યેભ્યશ્ચ વિશ્વેભ્યશ્ચ દેવેભ્ય આ વૃશ્ચતે ય એવં વિદ્વાંસં વ્રાત્યમુપવદતિ ।
બૃહતશ્ચ વૈ સ રથન્તરસ્ય ચાદિત્યાનાં ચ વિશ્વેષાં ચ દેવાનાં પ્રિયં ધામ ભવતિ ય એવં વેદ ।
તસ્ય પ્રાચ્યાં દિશિ શ્રદ્ધા પુંશ્ચલી મિત્રો માગધો વિજ્ઞાનં વાસોઽહરુષ્ણીષં રાત્રી કેશા હરિતૌ પ્રવર્તૌ કલ્મલિર્મણિઃ ।
ભૂતં ચ ભવિષ્યચ્ચ પરિષ્કન્દૌ મનો વિપથં

માતરિશ્વા ચ પવમાનશ્ચ વિપથવાહૌ વાતઃ સારથી રેષ્મા પ્રતોદઃ

કીર્તિશ્ચ યશશ્ચ પુરઃસરૌ
ઐનં કીર્તિર્ગચ્છત્યા યશો ગચ્છતિ ય એવં વેદ

સ ઉદતિષ્ઠત્સ દક્ષિણાં દિશમનુ વ્યચલત્।
તં યજ્ઞાયજ્ઞિયં ચ વામદેવ્યં ચ યજ્ઞશ્ચ યજમાનશ્ચ પશવશ્ચાનુવ્યચલન્ ।
યજ્ઞાયજ્ઞિયાય ચ વૈ સ વામદેવ્યાય ચ યજ્ઞાય ચ યજમાનાય ચ પશુભ્યશ્ચા વૃશ્ચતે ય એવં વિદ્વાંસં વ્રાત્યમુપવદતિ ।
યજ્ઞાયજ્ઞિયસ્ય ચ વૈ સ વામદેવ્યસ્ય ચ યજ્ઞસ્ય ચ યજમાનસ્ય ચ પશૂનાં ચ પ્રિયં ધામ ભવતિ ય એવં વેદ ।
તસ્ય દક્ષિણાયાં દિશ્યુષાઃ પુંશ્ચલી મન્ત્રો માગધો વિજ્ઞાનં વાસોઽહરુષ્ણીષં રાત્રી કેશા હરિતૌ પ્રવર્તૌ કલ્મલિર્મણિઃ ।
અમાવાસ્યા ચ પૌર્ણમાસી ચ પરિષ્કન્દૌ મનો વિપથં માતરિશ્વા ચ પવમાનશ્ચ વિપથવાહૌ વાતઃ સારથી રેષ્મા પ્રતોદઃ
કીર્તિશ્ચ યશશ્ચ પુરઃસરૌ ।
ઐનં કીર્તિર્ગચ્છત્યા યશો ગચ્છતિ ય એવં વેદ

સ ઉદતિષ્ઠત્સ પ્રતીચીં દિશમનુ વ્યચલત્।
તં વૈરૂપં ચ વૈરાજં ચાપશ્ચ વરુણશ્ચ રાજાનુવ્યચલન્ ।
વૈરૂપાય ચ વૈ સ વૈરાજાય ચાદ્ભ્યશ્ચ વરુણાય ચ રાજ્ઞ આ વૃશ્ચતે ય એવં વિદ્વાંસં વ્રાત્યમુપવદતિ ।
વૈરૂપસ્ય ચ વૈ સ વૈરાજસ્ય ચાપાં ચ વરુણસ્ય ચ રાજ્ઞઃ પ્રિયં ધામ ભવતિ ય એવં વેદ ।
તસ્ય પ્રતીચ્યાં દિશીરા પુંશ્ચલી હસો માગધો વિજ્ઞાનં વાસોઽહરુષ્ણીષં રાત્રી કેશા હરિતૌ પ્રવર્તૌ કલ્મલિર્મણિઃ ।
અહશ્ચ રાત્રી ચ પરિષ્કન્દૌ મનો વિપથં માતરિશ્વા ચ પવમાનશ્ચ વિપથવાહૌ વાતઃ સારથી રેષ્મા પ્રતોદઃ
કીર્તિશ્ચ યશશ્ચ પુરઃસરૌ ।
ઐનં કીર્તિર્ગચ્છત્યા યશો ગચ્છતિ ય એવં વેદ

સ ઉદતિષ્ઠત્સ ઉદીચીં દિશમનુ વ્યચલત્।
તં શ્યૈતં ચ નૌધસં ચ સપ્તર્ષયશ્ચ સોમશ્ચ રાજાનુવ્યચલન્ ।
શ્યૈતાય ચ વૈ સ નૌધસાય ચ સપ્તર્ષિભ્યશ્ચ સોમાય ચ રાજ્ઞ આ વૃશ્ચતે ય એવં વિદ્વાંસં વ્રાત્યમુપવદતિ ।
શ્યૈતસ્ય ચ વૈ સ નૌધસસ્ય ચ સપ્તર્ષીણાં ચ સોમસ્ય ચ રાજ્ઞઃ પ્રિયં ધામ ભવતિ ય એવં વેદ ।
તસ્યોદીચ્યાં દિશિ વિદ્યુત્પુંશ્ચલી સ્તનયિત્નુર્માગધો વિજ્ઞાનં વાસોઽહરુષ્ણીષં રાત્રી કેશા હરિતૌ પ્રવર્તૌ કલ્મલિર્મણિઃ ।
શ્રુતં ચ વિશ્રુતં ચ પરિષ્કન્દૌ મનો વિપથં માતરિશ્વા ચ પવમાનશ્ચ વિપથવાહૌ વાતઃ સારથી રેષ્મા પ્રતોદઃ
કીર્તિશ્ચ યશશ્ચ પુરઃસરૌ ।
ઐનં કીર્તિર્ગચ્છત્યા યશો ગચ્છતિ ય એવં વેદ