અથર્વવેદ · અધ્યાય 15.1

વ્રાત્ય આસીદીયમાન એવ સ પ્રજાપતિં સમૈરયત્

સ પ્રજાપતિઃ સુવર્ણમાત્મન્ન્ અપશ્યત્તત્પ્રાજનયત્

તદેકમભવત્તલ્લલામમભવત્તન્ મહદભવત્તજ્જ્યેષ્ઠમભવત્તદ્બ્રહ્માભવત્તત્તપોઽભવત્તત્સત્યમભવત્તેન પ્રાજાયત

સોઽવર્ધત સ મહાન્ અભવત્સ મહાદેવોઽભવત્

સ દેવાનામીશાં પર્યૈત્સ ઈશાનોઽભવત્

સ એકવ્રાત્યોઽભવત્સ ધનુરાદત્ત તદેવેન્દ્રધનુઃ

નીલમસ્યોદરં લોહિતં પૃષ્ઠમ્

નીલેનૈવાપ્રિયં ભ્રાતૃવ્યં પ્રોર્ણોતિ લોહિતેન દ્વિષન્તં વિધ્યતીતિ બ્રહ્મવાદિનો વદન્તિ