અથર્વવેદ · અધ્યાય 10.9

અઘાયતામપિ નહ્યા મુખાનિ સપત્નેષુ વજ્રમર્પયૈતમ્ ।
ઇન્દ્રેણ દત્તા પ્રથમા શતૌદના ભ્રાતૃવ્યઘ્ની યજમાનસ્ય ગાતુઃ

વેદિષ્ટે ચર્મ ભવતુ બર્હિર્લોમાનિ યાનિ તે ।
એષા ત્વા રશનાગ્રભીદ્ગ્રાવા ત્વૈષોઽધિ નૃત્યતુ

બાલાસ્તે પ્રોક્ષણીઃ સન્તુ જિહ્વા સં માર્ષ્ટુ અઘ્ન્યે ।
શુદ્ધા ત્વં યજ્ઞિયા ભૂત્વા દિવં પ્રેહિ શતૌદને

યઃ શતૌદનાં પચતિ કામપ્રેણ સ કલ્પતે ।
પ્રીતા હ્યસ્ય ઋત્વિજઃ સર્વે યન્તિ યથાયથમ્

સ સ્વર્ગમા રોહતિ યત્રાદસ્ત્રિદિવં દિવઃ ।
અપૂપનાભિં કૃત્વા યો દદાતિ શતૌદનામ્

સ તાંલ્લોકાન્ત્સમાપ્નોતિ યે દિવ્યા યે ચ પાર્થિવાઃ ।
હિરણ્યજ્યોતિષં કૃત્વા યો દદાતિ શતૌદનામ્

યે તે દેવિ શમિતારઃ પક્તારો યે ચ તે જનાઃ ।
તે ત્વા સર્વે ગોપ્સ્યન્તિ મૈભ્યો ભૈષીઃ શતૌદને

વસવસ્ત્વા દક્ષિણત ઉત્તરાન્ મરુતસ્ત્વા ।
આદિત્યાઃ પશ્ચાદ્ગોપ્સ્યન્તિ સાગ્નિષ્ટોમમતિ દ્રવ

દેવાઃ પિતરો મનુષ્યા ગન્ધર્વાપ્સરસશ્ચ યે ।
તે ત્વા સર્વે ગોપ્સ્યન્તિ સાતિરાત્રમતિ દ્રવ

અન્તરિક્ષં દિવં ભૂમિમાદિત્યાન્ મરુતો દિશઃ ।
લોકાન્ત્સ સર્વાન્ આપ્નોતિ યો દદાતિ શતૌદનામ્

ઘૃતં પ્રોક્ષન્તી સુભગા દેવી દેવાન્ ગમિષ્યતિ ।
પક્તારમઘ્ન્યે મા હિંસીર્દિવં પ્રેહિ શતૌદને

યે દેવા દિવિષદો અન્તરિક્ષસદશ્ચ યે યે ચેમે ભૂમ્યામધિ ।
તેભ્યસ્ત્વં ધુક્ષ્વ સર્વદા ક્ષીરં સર્પિરથો મધુ

યત્તે શિરો યત્તે મુખં યૌ કર્ણૌ યે ચ તે હનૂ ।
આમિક્ષાં દુહ્રતાં દાત્રે ક્ષીરં સર્પિરથો મધુ

યૌ ત ઓષ્ઠૌ યે નાસિકે યે શૃઙ્ગે યે ચ તેઽક્ષિણી ।
આમિક્ષાં દુહ્રતાં દાત્રે ક્ષીરં સર્પિરથો મધુ

યત્તે ક્લોમા યદ્ધૃદયં પુરીતત્સહકણ્ઠિકા ।
આમિક્ષાં દુહ્રતાં દાત્રે ક્ષીરં સર્પિરથો મધુ

યત્તે યકૃદ્યે મતસ્ને યદાન્ત્રં યાશ્ચ તે ગુદાઃ ।
આમિક્ષાં દુહ્રતાં દાત્રે ક્ષીરં સર્પિરથો મધુ

યસ્તે પ્લાશિર્યો વનિષ્ઠુર્યૌ કુક્ષી યચ્ચ ચર્મ તે ।
આમિક્ષાં દુહ્રતાં દાત્રે ક્ષીરં સર્પિરથો મધુ

યત્તે મજ્જા યદસ્થિ યન્ મંસં યચ્ચ લોહિતમ્ ।
આમિક્ષાં દુહ્રતાં દાત્રે ક્ષીરં સર્પિરથો મધુ

યૌ તે બાહૂ યે દોષણી યાવંસૌ યા ચ તે કકુત્।
આમિક્ષાં દુહ્રતાં દાત્રે ક્ષીરં સર્પિરથો મધુ

યાસ્તે ગ્રીવા યે સ્કન્ધા યાઃ પૃષ્ટીર્યાશ્ચ પર્શવઃ ।
આમિક્ષાં દુહ્રતાં દાત્રે ક્ષીરં સર્પિરથો મધુ

યૌ ત ઉરૂ અષ્ઠીવન્તૌ યે શ્રોણી યા ચ તે ભસત્।
આમિક્ષાં દુહ્રતાં દાત્રે ક્ષીરં સર્પિરથો મધુ

યત્તે પુચ્છં યે તે બાલા યદૂધો યે ચ તે સ્તનાઃ ।
આમિક્ષાં દુહ્રતાં દાત્રે ક્ષીરં સર્પિરથો મધુ

યાસ્તે જઙ્ઘાઃ યાઃ કુષ્ઠિકા ઋચ્છરા યે ચ તે શફાઃ ।
આમિક્ષાં દુહ્રતાં દાત્રે ક્ષીરં સર્પિરથો મધુ

યત્તે ચર્મ શતૌદને યાનિ લોમાન્યઘ્ન્યે ।
આમિક્ષાં દુહ્રતાં દાત્રે ક્ષીરં સર્પિરથો મધુ

ક્રોડૌ તે સ્તાં પુરોડાશાવાજ્યેનાભિઘારિતૌ ।
તૌ પક્ષૌ દેવિ કૃત્વા સા પક્તારં દિવં વહ

ઉલૂખલે મુસલે યશ્ચ ચર્મણિ યો વા શૂર્પે તણ્ડુલઃ કણઃ ।
યં વા વાતો માતરિશ્વા પવમાનો મમાથાગ્નિષ્ટદ્ધોતા સુહુતં કૃણોતુ

અપો દેવીર્મધુમતીર્ઘૃતશ્ચુતો બ્રહ્મણાં હસ્તેષુ પ્રપૃથક્સાદયામિ ।
યત્કામ ઇદમભિષિઞ્ચામિ વોઽહં તન્ મે સર્વં સં પદ્યતાં વયં સ્યામ પતયો રયીણામ્