અથર્વવેદ · અધ્યાય 10.3

અયં મે વરણો મણિઃ સપત્નક્ષયણો વૃષા ।
તેના રભસ્વ ત્વં શત્રૂન્ પ્ર મૃણીહિ દુરસ્યતઃ

પ્રૈણાન્ છૃણીહિ પ્ર મૃણા રભસ્વ મણિસ્તે અસ્તુ પુરએતા પુરસ્તાત્।
અવારયન્ત વરણેન દેવા અભ્યાચારમસુરાણાં શ્વઃશ્વઃ

અયં મણિર્વરણો વિશ્વભેષજઃ સહસ્રાક્ષો હરિતો હિરણ્યયઃ ।
સ તે શત્રૂન્ અધરાન્ પાદયાતિ પૂર્વસ્તાન્ દભ્નુહિ યે ત્વા દ્વિષન્તિ

અયં તે કૃત્યાં વિતતાં પૌરુષેયાદયં ભયાત્।
અયં ત્વા સર્વસ્માત્પાપાદ્વરણો વારયિષ્યતે

વરણો વારયાતા અયં દેવો વનસ્પતિઃ ।
યક્ષ્મો યો અસ્મિન્ન્ આવિષ્ટસ્તમુ દેવા અવીવરન્

સ્વપ્નં સુપ્ત્વા યદિ પશ્યાસિ પાપં મૃગઃ સૃતિં યતિ ધાવાદજુષ્ટામ્ ।
પરિક્ષવાચ્છકુનેઃ પાપવાદાદયં મણિર્વરણો વારયિષ્યતે

અરાત્યાસ્ત્વા નિરૃત્યા અભિચારાદથો ભયાત્।
મૃત્યોરોજીયસો વધાદ્વરણો વારયિષ્યતે

યન્ મે માતા યન્ મે પિતા ભ્રાતરો યચ્ચ મે સ્વા યદેનશ્ચકૃમા વયમ્ ।
તતો નો વારયિષ્યતેઽયં દેવો વનસ્પતિઃ

વરણેન પ્રવ્યથિતા ભ્રાતૃવ્યા મે સબન્ધવઃ ।
અસૂર્તં રજો અપ્યગુસ્તે યન્ત્વધમં તમઃ

અરિષ્ટોઽહમરિષ્ટગુરાયુષ્માન્ત્સર્વપૂરુષઃ ।
તં માયં વરણો મણિઃ પરિ પાતુ દિશોદિશઃ

અયં મે વરણ ઉરસિ રાજા દેવો વનસ્પતિઃ ।
સ મે શત્રૂન્ વિ બાધતામિન્દ્રો દસ્યૂન્ ઇવાસુરાન્

ઇમં બિભર્મિ વરણમાયુષ્માન્ છતશારદઃ ।
સ મે રાષ્ટ્રં ચ ક્ષત્રં ચ પશૂન્ ઓજશ્ચ મે દધત્

યથા વાતો વનસ્પતીન્ વૃક્ષાન્ ભનક્ત્યોજસા ।
એવા સપત્નાન્ મે ભઙ્ગ્ધિ પૂર્વાન્ જાતામુતાપરાન્ વરણસ્ત્વાભિ રક્ષતુ

યથા વાતશ્ચાગ્નિશ્ચ વૃક્ષાન્ પ્સાતો વનસ્પતીન્ ।
એવા સપત્નાન્ મે પ્સાહિ પૂર્વાન્ જાતામુતાપરાન્ વરણસ્ત્વાભિ રક્ષતુ

યથા વાતેન પ્રક્ષીણા વૃક્ષાઃ શેરે ન્યર્પિતાઃ ।
એવા સપત્નાંસ્ત્વં મમ પ્ર ક્ષિણીહિ ન્યર્પય ।
પૂર્વાન્ જાતામુતાપરાન્ વરણસ્ત્વાભિ રક્ષતુ

તાંસ્ત્વં પ્ર છિન્દ્ધિ વરણ પુરા દિષ્ટાત્પુરાયુષઃ ।
ય એનં પશુષુ દિપ્સન્તિ યે ચાસ્ય રાષ્ટ્રદિપ્સવઃ

યથા સૂર્યો અતિભાતિ યથાસ્મિન્ તેજ આહિતમ્ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા યશશ્ચન્દ્રમસ્યાદિત્યે ચ નૃચક્ષસિ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા યશઃ પૃથિવ્યાં યથાસ્મિન્ જાતવેદસિ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા યશઃ કન્યાયાં યથાસ્મિન્ત્સંભૃતે રથે ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા યશઃ સોમપીથે મધુપર્કે યથા યશઃ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા યશોઽગ્નિહોત્રે વષટ્કારે યથા યશઃ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા યશો યજમાને યથાસ્મિન્ યજ્ઞ આહિતમ્ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા યશઃ પ્રજાપતૌ યથાસ્મિન્ પરમેષ્ઠિનિ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા

યથા દેવેષ્વમૃતં યથૈષુ સત્યમાહિતમ્ ।
એવા મે વરણો મણિઃ કીર્તિં ભૂતિં નિ યચ્છતુ ।
તેજસા મા સમુક્ષતુ યશસા સમનક્તુ મા