અષ્ટાઙ્ગનિઘણ્ટુ · શ્લોક 301-320

ફલં દ્વીપમરીચં ચ કટુકં કટુકીફલમ્
લવંગં દેવકુસુમં કુસુમં શેખરં લવમ્ ॥

નિષ્પત્ત્રં ચ મહાપુષ્પં સ્વર્ગપુષ્પં વરાલકમ્
શિલાપુષ્પં તુ શૈલેયં શિલાજં સ્થવિરં તથા ॥

પુષ્પાઞ્જનં રીતિપુષ્પં પુષ્પકેતુશ્ ચ રીતિજમ્
સમુદ્રફેનં શુષ્કં ચ ફેનં વારિધિજં મલમ્ ॥

શઙ્ખો વારિભવઃ કમ્બુઃ જલજો દીર્ઘનિઃસ્વનઃ
પ્રવાલં વલ્લિજં રક્તં વિદ્રુમં ચ પ્રકીર્તિતમ્ ॥

રૂપ્યકં રજતં તારં સુવર્ણં કનકં સ્મૃતમ્
જાતરૂપં તથા હેમ શાતકુમ્ભં ચ હાટકમ્ ॥

જામ્બૂનદં હિરણ્યં ચ તપનીયં ચ કાઞ્ચનમ્
તામ્રમૌદુમ્બરં શુલ્બં મિહિરં હરિનામકમ્ ॥

રીતિકા પિત્તલં પૂતિ પીતલોહં ચ સૈંહલમ્
ત્રપુસં ત્રપુસંજ્ઞં ચ તગરં રૂપ્યશત્રુકઃ ॥

સીસકં નાગમુરગં કાંસ્યં કાશં ચ ઘોષકમ્
વાર્ત્તાલોહં વર્તલોહં ત્રિલોહં પઞ્ચલોહકમ્ ॥

કૃષ્ણલોહમયઃ સાર માયસં ચ શિલોદ્ભવમ્
અયોરજો લોહરજસ્ તત્ કિટ્ટં સ્યાદ્ અયોમલમ્ ॥

ચિપિટં ચિપ્પટં ચિટ્ટં વાલુકા સિકતા સ્મૃતા
લોહકાન્તમયસ્કાન્તં કાન્તં ભ્રામરચુમ્બકમ્ ॥

મૃદુલોહં તીક્ષ્ણલોહં તીક્ષ્ણાખ્યં સૂક્ષ્મલોહકમ્
કાલકૂટો મહામુસ્તો વત્સનાભો હલાહલઃ ॥

વત્સદન્તી મહાશૃઙ્ગી લેલિહસ્ તાલપત્ત્રકઃ
વિષં ચ મૂલકં શૃઙ્ગી ગરં કૃત્રિમસંજ્ઞકમ્ ॥

તોયચ્છદા વારિપર્ણી કુમ્ભિકા જલકુમ્ભિકા
દીર્ઘમૂલં જલાવાસં શૈવાલં જલસમ્ભવમ્ ॥

પઙ્કજં પુણ્ડરીકં ચ શતપત્ત્રં કુશેશયમ્
બિસપ્રસૂનરાજીવ જલજામ્ભોરુહાણિ ચ ॥

શશિપ્રિયં ચ ગન્ધાઢ્યં કુમુદં કોકનન્દનમ્
કાકોત્પલં તુ કાકોત્થં કાકાખ્યં હ્રસ્વમુત્પલમ્ ॥

તેષાં ફલં તુ કુમ્ભીકં મૂલં શાલૂકકન્દકમ્
કશેરુકઃ સુગન્ધિશ્ ચ સુકન્દો મુસ્તકન્દકઃ ॥

શૃઙ્ગાટકો જલફલં જલકન્દસ્ ત્રિકોણકઃ
કરવીરો ઽશ્વમારસ્તુ બકુલં મદ્યકેસરમ્ ॥

અલક્તા માલ્યશેફાલી રૂપિકા તામ્રપુષ્પિકા
રક્તપુષ્પી જયા રુદ્રા -મ્લાયની વનમાલિકા (?) ॥

આમ્લાયનો રાજસૈર્યઃ કોરણ્ડો નખરઞ્જનઃ
તિલકઃ પૂર્ણકઃ શ્રીમાન્ સુદ્યુતિઃ શુક્લપુષ્પકઃ ॥

માલતી સુમના જાતી યૂથિકા ગન્ધનામિકા
મલ્લિકોક્તા વિચકિલા દ્વિપુષ્પી પુષ્પટી તથા ॥