અષ્ટાઙ્ગનિઘણ્ટુ · શ્લોક 241-260

કટુકોશાતકી ક્ષ્વેડા જાલિની કૃતવેધનઃ
કટુકાલામ્બુની તુમ્બા લામ્બુર્ ઇક્ષ્વાકુસંજ્ઞિકા ॥

નીલિની ચારટી જ્ઞેયા નીલિની નીલપુષ્પિકા
સૂક્ષ્મપાદસ્ તામ્રચૂડો જ્ઞેયઃ કુક્કુટપાદિકઃ ॥

ગોધૂલિકા ચ ગોજિહ્વા ગોજી ક્રોષ્ટુકમૂલકઃ
અઙ્કોલો ગિરિકોલશ્ ચ પીતસારો નિકોચકઃ ॥

જાલારિર્ મેહશત્રુશ્ ચ બકુલી તલપોટકઃ
સ્વર્ણવર્ણાકરઃ પીત પુષ્પકો દોહકાહ્વયઃ ॥

શણપુષ્પી બૃહત્પુષ્પી શણઃ ઘણ્ટશણઃ સ્મૃતઃ
ઉભાતસી રુદ્રપત્ત્રી ગોપિકા બાણકઃ સ્મૃતઃ ॥

સૌમ્યા સુવર્ચલા બ્રાહ્મી સોમા બ્રહ્મસુવર્ચલા
મણ્ડૂકપર્ણી વિક્રાન્તા ચાન્યા બ્રાહ્મી વનૌષધિઃ ॥

સુતજીવઃ પુત્રજીવઃ પવિત્રઃ પુત્રસિદ્ધિકૃત્
આવર્તકી ચર્મરઙ્ગા મહાજાલી વિભાણ્ડિકા ॥

પ્રસારણી સુપ્રસરા સારણી સુપ્રતાનિકા
હિઙ્ગુપત્ત્રી તુ પૃથ્વીકા બાષ્પિકા કવરી સ્મૃતા ॥

તુમ્બુરુસ્ તીક્ષ્ણવલ્કશ્ ચ તીક્ષ્ણપત્ત્રઃ કુતુમ્બુરુઃ
અક્ષોડઃ પર્વતીયશ્ ચ ફલસ્નેહો ગુડાશ્રયઃ ॥

કીરેષ્ટઃ કર્પરાલશ્ ચ સ્વાદુમઞ્જા પૃથુચ્છદઃ
અગસ્તિકો મુનિનામા કુમ્ભયોનિશ્ ચ સ સ્મૃતઃ ॥

અધિચ્છત્ત્રા કુમ્ભયોનિઃ દ્રોણપુષ્પી કુતુમ્બિકા
કૌણ્ડિન્યશ્ ચ મહાદ્રોણઃ સ્મૃતો દેવકુતુમ્બકઃ ॥

અધિચ્છત્ત્રા ગૌતમસ્થા બાલગ્રન્થિઃ પ્રકીર્તિતા
વત્સાદની સુદશાખ્યા ચક્રાઙ્ગી જલશોષકઃ ॥

પ્રપુન્નાટસ્ ત્વ્ એડગજો દદ્રુઘ્નશ્ ચક્રમર્દકઃ
લક્ષ્મણા પુત્રજનની રક્તબિન્દુચ્છદા તથા ॥

નાગિની શૂલિની નાગ વલ્લી મત્સ્યાર્જકઃ સ્મૃતઃ
શૃગાલઘણ્ટા વજ્રાક્ષી વજ્રવલ્લી તુ શૃઙ્ખલા ॥

પલંકષા મૂલકં ચ હિંગુના પુષ્કરચ્છદઃ
દધિપુષ્પી તુ ખટ્વાઙ્ગી ખટ્વા પર્યઙ્કપાદિકા ॥

બિમ્બી ગો હા તુણ્ડિકેરી તિલાખ્યા ફલનાભિકા
ઉર્વારુઃ કર્કટી પ્રોક્તા લોમશા ચ પ્રકીર્તિતા ॥

ખૂર્જરિકસ્ તુ કાલિઙ્ગઃ મૂત્રલં ત્રપુસં સ્મૃતમ્
કૂષ્માણ્ડકી પુષ્પલતા કકુભાણ્ડા ફલોત્તમા ॥

ગોરક્ષતુમ્બી ગોરક્ષી કુમ્ભાલામ્બુર્ ઘટાભિધા
ચિર્ભિટિકા ચિત્રફલા ચીનારં ચિર્ભટં સ્મૃતમ્ ॥

લમ્બા પિણ્ડફલેક્ષ્વાકુઃ કટુકા ક્ષત્રિયાત્મજા
મહાફલેક્ષુરા ચૈવ તુમ્બિકા તિક્તબીજકા ॥

ચુક્રિકા ચામ્લિકા ચિઞ્ચા જીવન્તી તિન્તિડી સ્મૃતા
ચુક્રિકા ત્વ્ અમ્લચાઙ્ગેરી સુનિષણ્ણદલા તથા ॥