અષ્ટાઙ્ગનિઘણ્ટુ · શ્લોક 121-140

અર્કાલકૌ નાગદન્તી વિશલ્યા ભાર્ઙ્ગી રાસ્ના વૃશ્ચિકાલી પ્રકીર્યા
પ્રત્યક્પુષ્પી પીતતૈલોદકીર્યા શ્વેતાયુગ્મં તાપસાનાં ચ વૃક્ષઃ ॥

અયમ્ અર્કાદિકો વર્ગઃ કફમેદોવિષાપહઃ
કૃમિકુષ્ઠપ્રશમનો વિશેષાદ્ વ્રણશોધનઃ ॥

અર્કાદૌ તુ સદાપુષ્પા સૂર્યાહ્વાર્કસ્ તુ રૂપિકા
મન્દારઃ શ્વેતકુસુમો ઽલર્કો વિકરણઃ સ્મૃતઃ ॥

નાગદન્તી શ્વેતઘણ્ટા નાગિની પૂર્વપુષ્પિકા
વિશલ્યા હલિની વહ્મિ જિહ્વા લાઙ્ગલિકા સ્મૃતા ॥

ભાર્ઙ્ગી ફઞ્જી ચ પાલિન્દી દ્વિજયષ્ટિઃ સુગન્ધિકા
અપામાર્ગઃ શૈખરિકઃ પ્રત્યક્પુષ્પી મયૂરકઃ ॥

કાકાદની પીતતૈલા વેગા કાકાણ્ડકી તથા
જ્યોતિષ્મતી પીતતૈલા વેગા કઙ્ગુણિકા સ્મૃતા ॥

શ્વેતા સુનાભિઃ કટભી કિણિહી મધુરેણુકા
કટંભરા મહાશ્વેતા કાલિન્દી કટભી સિતા ॥

કુમાર્યાખ્યા મહાશ્વેતા વન્ધ્યા કર્કોટકી તથા
ઇઙ્ગુદસ્ તિક્તમઞ્જા ચ પીલુકસ્ તાપસદ્રુમઃ ॥

સુરસયુગફણિજ્જં કાલમાલા વિડઙ્ગં ખરબુસવૃષકર્ણી કટ્ફલં કાસમર્દઃ
ક્ષવકસરસિભાર્ઙ્ગીકાર્મુકાઃ કાકમાચી કુલહલવિષમુષ્ટી ભૂસ્તૃણો ભૂતવેશી ॥

સુરસાદિર્ ગણઃ શ્લેષ્મ મેદઃકૃમિનિષૂદનઃ
પ્રતિશ્યાયારુચિશ્વાસ કાસઘ્નો વ્રણશોધનઃ ॥

સુરસાદૌ ગણે દ્વેધા સુરા કૃષ્ણગરુર્ અતઃ
સ્વાદુગન્ધિચ્છદા ચૈવ કાયસ્થા તુલસી તથા ॥

ફણિજ્જકો મઞ્જરીકસ્ તીક્ષ્ણગન્ધઃ સુગન્ધિકઃ
કૃષ્ણસર્જકઃ કાલમાલઃ વઠિઞ્જરકુઠેરકૌ ॥

વિડઙ્ગં કૃમિજિદ્ બલ્યં કિરીટં શ્વેતતણ્ડુલમ્
શૂકાત્મકઃ ખરબુસૌ મરુવઃ ખરપત્ત્રકઃ ॥

વૃષકર્ણ્યાખુકર્ણી ચ તથા ભૂમિપરિશ્રયા
રાજક્ષવઃ પીતપુષ્પઃ કાસઘ્નં કાસમર્દકઃ ॥

ઉદ્વેગજનનસ્ તીક્ષ્ણઃ ક્ષવકઃ ક્ષુદ્વિબોધકઃ
કપિત્થપત્ત્રી ઝરસી નિર્ઝરા ઝરપત્ત્રિકા ॥

પ્રાચીના બોધકી કાન્તા કામુકા રક્તમઞ્જરી
માધવી સ્યાદ્ અમુક્તશ્ ચ સુવસન્તો ઽતિમુક્તકઃ ॥

કાકમાચી ગૂઢફલા કાકાહ્વા માચિકાપિ ચ
વોલો વૃદ્ધઃ કુલહલો જમ્બૂલો ભૂકદમ્બકઃ ॥

વિષમુષ્ટિશ્ ચ કર્કોટી ક્ષયાહ્વા કેશમુષ્ટિકા
પુત્રાઞ્જલિઃ ભૂતકેશી ભૂસ્તૃણો ગુહ્યબીજકઃ ॥

ભૂતાવેશી ભૂતકેશી નિર્ગુણ્ડી તિન્દુવારકઃ
શેફાલિકા શ્વેતપુષ્પા શ્વેતનિર્ગુણ્ડિકા સ્મૃતા ॥

મુષ્કકસ્નુગ્વરાદ્વીપિ પલાશધવશિંશપાઃ
ગુલ્મમેહાશ્મરીપાણ્ડુ મેદો ઽર્શઃકફશુક્રજિત્ ॥